Page 340 - Design_Gurcu_Antologiyasi_Layout 1

Görcö nÿsri antologiyası

“Әgәr, – deyir, – dua elәmәyә Arxangel monastırına gedir -
sinizsә, maralı niyә aparırdınız, qәribә adamlarsınız, vallah!..”
Axırda isә lap ağını çıxardı: “Bir halda ki orada gecәdәn
sәhәrәcәn dua elәdiniz, gәrәk Allaha bizim barәmizdә dә bir-
iki söz deyәydiniz, bәlkә, kabelimizi aparmayaydılar, camaat
da qaranlıqda qalmayaydı...”
Mәnsә bilirәm ki, özünü qәsdәn belә aparır. Valiko әmi
ona qulaq asa-asa dişi ağrıyırmış kimi sifәtini turşudur, ora-
bura vurnuxub, özünü güclә saxlayırdı. Nә Polkovnikin
sözünü kәsә, nә rahiblәri evinә apara bilirdi – oğlundan vә
gәlinindәn qorxurdu. Bunu dәrhal hiss elәdim, ona elә yazığım
gәldi ki, ürәyim ağrıdı. Polkovnik dә hәr şeyi sezdi, qәsdәn
әmәlli-başlı qızışdı. Rahiblәr deyirdilәr: “Maralımızın alt
çәnәsi şişib, yadınızda saxlayın, әgәr rastınıza çıxsa,
toxunmayın”. O, әvvәlcә güldü: “Dediyinizdәn belә çıxır ki,
burada maral sürüylә gәzir...” Sonra da istehzayla soruşdu:
“Alt çәnәsi niyә şişib? Dişlәri ağrıyır-nәdi?” Bu mәqamda Va-
liko әmi rahiblәri qabaqladı. “Yox, – dedi, – o il sәrxoş milis
rәisi Eliauri tapançadan atәş açıb, o vaxtdan güllә cәhәngindә
ilişib-qalıb. Amma maralın әhlilәşdirilmiş olduğunu әclaf
bilirdi...” Sözünü bitirәn kimi Polkovnik onun üstünә düşdü:
“O yaramazı evindә niyә yedirib-içirirsәn axı?!” Bu söz onu,
demәk olar, sarsıtdı, mәhv elәdi. Rahiblәrә milis rәisini Valiko
әminin yox, oğlu Paatanın qonaq elәdiyini izah elәmәyәcәksәn
ki. Valiko әmidәn çoxdandı heç kәs heç nә soruşmur. Bununla
belә, görünür, rahiblәr özlәri dә bunu başa düşmüşdülәr.
Bu mәqamda Polkovnik son sözünü söylәdi: “Hesab
elәyin ki, öz qanmazlığınız vә bacarıqsızlığınız ucbatından
340
maralı mәhv elәmisiniz, onu daha sağ görә bilmәzsiniz. Әgәr
vәhşi heyvanlardan qurtulsa, onu adamlar yeyәcәklәr. Camaat
öz işığını oğurlayırsa, sәnin maralına da rәhm elәmәyәcәk!..”
Onun donqultusu rahiblәri bezdirdi, dönüb yola düzәldilәr,
Polkovniksә arxalarınca qışqırdı: “Araqarışdırmadı! Araqarış -
dırmadı!” Amma bunun nә demәk olduğunu başa düşmәdik.
Valiko әmi, az qala, rahiblәrlә gedәcәkdi; onları yaxın
döngәyәcәn ötürdü, hәtta ürәklәnib tәklif elәdi: “Bәlkә, evә