Page 282 - Design_Gurcu_Antologiyasi_Layout 1

Görcö nÿsri antologiyası

– Nunu xala, bilirәm, deyәcәksiniz ki, çox yelbeyinsәn,
ancaq üç ildir Besonu tanıyıram, tanışlığımızın ilk gecәsi ona
tәslim olmaqdan peşman deyilәm. Onunla olanda elә bilirәm,
Günәşin altında zövq alıram, ruhum da, bәdәnim dә şüalarla
dolur.
– Bәs o necә? – qadın soruşdu.
– O da eynilә mәnim kimi. Mәni dәlicәsinә sevir. Tәsәvvür
elәyirsiniz, ikimiz dә bir gündә – iyunun iyirmi ikisindә ana -
dan olmuşuq, bürcümüz xәrçәngdir, ikimiz dә meymun ilindә
doğulmuşuq, amma o, mәndәn iyirmi dörd yaş böyükdür. Bir
sözlә, bir-birimiz üçün yaranmışıq.
– Әgәr belәdirsә, niyә evlәnmirsiniz? – nәdәnsә qadının
sifәti uzandı.
– Eh-h, Nunu xala, tam xoşbәxtlik kimә qismәt olub ki?
O evlidir.
– Onda nәyә görә sәni dәlicәsinә sevdiyinә әminsәn?
Bәlkә, arvadını daha çox sevir?
– Nә danışırsınız, üç ildir daim ad gününü mәnimlә keçirir.
O, arvadını hәqiqәtәn sevsәydi, heç olmasa bir dәfә ailәsindә
qeyd elәmәzdi? – İya dillәnib kәtandakı şәkli bağrına basdı.
– Bәs o pәrәstiş elәdiyin cәngavәr indi haradadır? –
qadının sәsi nәdәnsә qәzәbli idi.
– Cәbhәdә vuruşur, – qız dedi. – Bilirsiniz ki, xalqımızın
vәziyyәti ağırdır. Beso hәqiqәtәn qәhrәmandır. Kitablar
qәhrәmanına oxşayır. Eh, Besoyla uşağımız olsaydı, bax onda
o daşürәkli arvadını hәqiqәtәn atardı.
– Arvadının daşürәkli olduğunu haradan bilirsәn? Onu
282 görmüsәn?
– Yox, amma Beso deyir, bütün günü yalnız döşәmәni
qazıyıb silmәklә mәşğuldur, otağa ayağımı basmağa qorxu-
ram, arxamca әlindә süpürgә gәzib ayaq izlәrimi süpürür.
Bunu eşidәndә yadıma “Xvaramdze әfsanәsi” düşdü. Bir dәfә
Beso mәnim otağıma da ayaqqabılı girdi. Onun ayaq yerlәri
bu yazıq döşәmәnin üstündә dinozavr izlәrinә oxşayırdı. O
gecә keçdi, sәhәr Beso oyanmamış yanından qaçdım, gül alıb