Page 225 - Design_Gurcu_Antologiyasi_Layout 1

Laøa Tabukaøvili

TERANQİ

әhәng, çoxpәncәrәli ev şose yolundan xeyli aralıda
Nyerlәşirdi. Geniş çölü keçәndәn, seyrәk meşәdә nazik
cığır la gedәndәn, nәhayәt, daşlı yoxuşu qalxandan sonra hün -
dür hasarın arxasında yaraşıqsız, yöndәmsiz imarәt ucaldığını
görәrdin.
Şose yolunun yanı ilә dәmiryol xәtti uzanırdı. Bir az
aralıda stansiya yerlәşirdi. O stansiyada gündә bir-iki qatar
dayanır, ya da ötüb-keçirdi. Qatarla Tbilisiyәcәn saat yarımlıq
yolu çox asan, rahat getmәk olurdu. Düzәnlikdәn evәcәn yolu
getmәksә, adi yerişlә on dәqiqә çәkirdi.
Bağ evini әvәz elәyәn imarәt Sabanadzelәr ailәsinә
mәxsus idi, hәlә әllinci illәrdә imarәti nәslin fәxri, ağsaqqalı
Konstantine Sabanadze tikdirmişdi. O vaxt heç kәs kişinin
qabağında durub demәmişdi ki, niyә belә tәmtәraqlı ev
tikdirirsiniz, cәnab Konstantine? O, dünyadan öz әcәli ilә
uşaqları, qohum-әqrәbası arasında köçdü.
Höcәt qocanın vәziyyәti varislәrinin heç birinin xoşuna
gәlmәdi, nә bağ evini sata bildilәr, nә dә orada yaşayan tapıldı.
Axırda naәlac qalıb kәnddәki uzaq qohumlarından birini
çağırdılar, evdәn muğayat olmağı ona tapşırdılar. Qadının adı
Anna idi, qarıyıb evdә qalmışdı. Onun yer üzündә tәnhalığına
şәrik olan yeganә bir adam vardısa, o da bacısının işıq üzünә
hәsrәt qalmış, Teranqi çağırdıqları on yeddi yaşlı qәşәng oğlu
idi. Bu qәribә adın tarixçәsini qısaca belә söylәmәk olar: biri
vardı, biri yox idi, bir kәnd vardı; o kәnddә iki bacı yaşayırdı. 225
Böyüyü rәhmli vә çirkin Aniko, kiçiyi rәhmsiz vә gözәl Sinara
idi. Onlardan başqa, hәmin kәnddә qәşәng bığlı bir poçtalyon
dolaşırdı ki, onun da adı Besarion idi. Sinara vә Besarion bir-
birini sevib evlәndilәr. Uşaqları oldu. Besarion oğlunun adını
şәhәrdә mәşhur Amerika filminә baxandan sonra Teranqi
qoydu. Odur ki, әgәr bir hadisәni nәzәrә almasaq, çox
keçmәdi, hamı başa düşdü ki, uşaq anadangәlmә kor imiş,