Page 212 - Design_Gurcu_Antologiyasi_Layout 1

Görcö nÿsri antologiyası

– Allah ağıl versin, – özünә gәlmiş Lili necә gәldi
geyindiyi paltarına acıqla baxa-baxa dillәndi.
– Mәnsiz dә ağıllılar çoxdu, – Andro nәsә hәvәssiz cavab
verib mәnә sarı döndü. – Yeri gәlmişkәn, qoca, bacım әrә
gedir.
– Kimә? – nәzakәt xatirinә soruşdum.
– Keçәn il teatrda sәninlә tanış elәmişdim, yadındadı? Nә
isә, әhәmiyyәti yoxdu, tamam küt vә qanmaz adamdı, üstәlik,
nә abrı var, nә dә hәyası, amma çox yaraşıqlıdı. – Bu qәdәr
әtraflı mәlumatı verәndәn sonra stula tәrәf çönüb başını tutdu.
– Başım partlayır!
– Cıdıra gedirsәn? – qәfildәn Lilidәn soruşdu.
– ...
– Hә, ya yox? Hә. Jokey Kumsuaşvilini tanıyırsan? Hә?
Dünәn onu at vurub öldürüb... Öl-dü-rüb! Kitabxanalardan biri
mәnim rәsmlәrimi alıb. Natürmort vә iki mәnzәrә. Amma başa
düşmürәm, onlar kitabxananın nәyinә lazımdır... Min manat
aldım. Altı yüzü borca getdi, qalan qәpik-quruşa isә sizi
“Marani”yә dәvәt elәyirәm.
O, elә bil sözlәri pulemyotdan sәpәlәyirdi.
Daha nәsә demәk istәyirdi, amma sözünü kәsdim:
– “Marani”yә gedirik!
O, ayağa sıçrayıb hәrbçi kimi dimdik durdu.
– Oldu, Ronsarın kiçik qardaşı İvan, – o, pәncәrәdәn
kimisә çağırdı, – Kareti qapıya! Әlahәzrәtin yel xәstәliyi var,
ayaqları islanmasın! İrәli! – vә qulaqbatırıcı sәslә gülә-gülә
pillәlәri enmәyә başladı. Bütün bunlar Lilinin acığına gәlirdi,
212 amma hәr halda, gülüşünü saxlaya bilmәdi.
– Ey, sakit olun! – qonşu qızının maraqdan alışıb-yanan
sifәtini qapının arasında görüb dillәndim. – Bütün binanı ayağa
qaldıracaqsan.
Sәhәr saat yeddi radәlәriydi. Yağış çisәlәyirdi.
– Bu nә gözәl yağışdı belә, Tbilisimizә tәşrif gәtirib! –
Andro yenidәn başladı. – Göylәrdәn әlәnir, mәni xatirәlәrlә
doldurur. Büllur kimi sәrin rütubәt torpağa işlәyir, damlarda