Page 124 - Design_Gurcu_Antologiyasi_Layout 1

Görcö nÿsri antologiyası

Qatar tәrpәnәnә qәdәr әr-arvad arasında yenә mübahisә
düşdü; ertәsi gün üç dәfә dalaşıb-barışdılar; belәcә, gün başa
çatdı. Günәş yavaş-yavaş üfüqdә gözdәn itdi. Axşam düşәn
kimi vaqon sәrinlәşdi, nәhayәt, kupedә üçüncü sәrnişin peyda
oldu. Ucaboy, cılız adam idi, geyimi dә mövsümә uyğun
gәlmirdi. Әynindә mavi plaş, әlindә kiçik çәhrayı çamadan
vardı – Tiflisdә bәzi kişilәr kükürdlü hamama bu görkәmdә
gedirdilәr.
Kişi plaşını soyunub qısaqol köynәkdә qaldı; әr-arvadın
diqqәtini onun bilәyindәki döymә cәlb etdi. Sәrnişin kupenin
künc-bucağına nәzәr salıb çamadanını yuxarı qatdakı yatağın
üstünә qoydu, plaşını küncdәn asıb salam verdi, narahat etdiyi
üçün üzr istәdi. Kote aşağı qatdakı döşәyi qaldırıb qatladı,
qonağa oturmaq üçün yer göstәrdi. Kişi tәşәkkür etdi, amma
әylәşmәdi. Nәsә fikirlәşib kupedәn çıxdı. Gecә kupenin
qapısını ehtiyatla araladı, üçüncü sәrnişin üzr istәyib çamadanı
açdı, hisә verilmiş balıq götürüb getdi.
Әr vә arvad yatmağa hazırlaşırdı. Üçüncü sәrnişin bu dәfә
gәlәndә Nelli yataqları düzәldir, Kote isә jurnal vәrәqlәyirdi.
Kote gözünü kişidәn çәkmirdi, Nelli dikәlib kәnara çәkildi.
Üçüncü sәrnişin yenә çamadanını açdı, dörd balıq götürüb
kupedәn çıxdı.
– Yuxum gәlir, yatmaq istәyirәm! – Nelli dillәndi.
– Yat da! – Kote eynәyin üstündәn arvadına baxdı, sonra
yenidәn oxumağa başladı.
Arvadı qapını bağladı, cәld soyunub yatağa uzandı.
– Qapını aralı qoy, yәqin, indi gәlәcәk, – yerindә qurcala -
124 nıb dedi.
Nelli dә yatmazdan әvvәl mütaliә hәvәsinә düşdü, kiçik
masanın üstündәki kitabı götürdü, qatladığı sәhifәni tapıb
oxumağa başladı, amma fikri-zikri aldıqları hәdiyyәlәrin,
uşaqların, qohum-әqrәbanın, dost-tanışın yanında idi, diqqәtini
cәmlәşdirә bilmirdi. Dalğın nәzәrlәrini sәtirlәrin üzәrindә
gәzdirdi, kitabı örtüb yastığın altına qoydu, mәlәfәni çәnәsinә
çәkib yuxulamağa çalışdı.