Page 123 - Design_Gurcu_Antologiyasi_Layout 1
P. 123
Rezo ×eyøvili
ÜÇÜNCÜ SӘRNİŞİN
atar ucsuz-bucaqsız sәhranın kәnarı ilә şütüyürdü.
Q...Qüruba enәn Günәş göz işlәdikcә uzanan sәhrada
hökmdar Daranın, Skifiya vә Sarmatiyanın irәlilәyәn saysız-
hesabsız qoşununu sanki çәnginә alıb qaranlığa sürüklәyirdi.
Bu dәfә Dara Qәrbә üz tutmuşdu. Ona elә gәlirdi ki, tәqib
elәdiyi sarmatlar vә skiflәr qüruba, Günәşin batdığı yerә qaçır.
Qarsalanmış çöllәr lal sükuta qәrq olmuşdu. Amma әcdad -
larımız kurqanlarda uyuyur. Onları tapıb dağıtsan, murdar-
lasan, sәnә qan uddurarıq, necә döyüşdüyümüzü görәrsәn!
Daranın qoşunları qәrbә, sәma ilә üfüqün birlәşdiyi yerә,
od tutub yanan sәhraya, sükuta bürünmüş torpağa doğru
irәlilәyib...
Kote vә Nelli Moskvadan Tiflisә qayıdırdılar. Kupedә tәk
gedirdilәr, amma tәrpәnmәyә yer yox idi – oturacaqların altına
da, üstünә dә çamadan, çanta vә yeşik yığmışdılar. Әslindә,
Moskvadan elә dә çox şey almamışdılar. Amma qohum-
qardaşa, dost-tanışa sovqat gәtirmәsәn, yaxşı düşmәz, ayıbdır
axı! Ev üçün dә yaxşı bazarlıq etmişdilәr. Çamadanlardan
birinә iki yüz әdәd şagird dәftәri, üç dәnә bürünc hәvәngdәstә
yığmışdılar – elә ağır idi ki, yerdәn qaldırmaq olmurdu. Dәftәri
uşaqlara, hәvәngdәstәni isә özlәrinә vә tanışlara almışdılar.
Dәstәyi bürüncdәn olan hәvәngdәstә göz oxşayırdı, onu
görüncә, piştaxtadan yan keçә bilmәmişdilәr. Mağazada әr-
arvad arasında qızğın mübahisә düşmüşdü: Kote, ümumiy -
yәtlә, hәvәngdәstә almaq istәmirdi, arvadı isә acığa düşüb 123
üçünü götürdü, sonra da hamısını Kotenin çamadanına qoydu.
İndi gәl belә ağır çamadanı daşı görüm, necә daşıyırsan.
Taksinin yük yerinә qoyanda çamadanın dәstәyi qopdu, per-
ronda isә qapağı açıldı vә içindәkilәr yerә sәpәlәndi. Kote
xәcalәtindәn qızarmışdı, qan-tәr içindә hәvәngdәstәlәri vә
dәftәrlәri yerdәn yığıb vaqona qalxdı. Sanballı adam sayılırdı,
zarafat deyil, kişi vәzifә sahibi idi. Yaxşı ki perronda tanış-
bilişә rast gәlmәdi, yoxsa xәcalәtindәn ölüb yerә girәcәkdi.