Page 125 - Design_Gurcu_Antologiyasi_Layout 1

Rezo ×eyøvili

Kote kupenin qapısını dәrhal aralamadı, amma sәn demә,
bunu vaxtında elәyibmiş! Çünki üçüncü sәrnişin qapının
ağzında dayanmışdı. Bu dәfә Koteyә baxıb gülümsündü,
kupeyә ayaq basan kimi araq iyi әtrafı bürüdü. Yatağına
yaxınlaşıb çamadanını şaqqıltıyla açdı, altı balıq götürdü,
mәnalı-mәnalı Kotenin üzünә baxıb başı ilә qapıya işarә elәdi.
Yәni “gәl gedәk,” sonra da nәzәrlәrini Nelliyә çevirdi, onsuz
da, arvad xәbәr tutmayacaq... Kote jurnalı kәnara qoyub başı
ilә tәşәkkürünü bildirdi – yәni, çox sağ ol, içmirәm... Kişi israr
etmәdi, çıxıb qapını sakitcә örtdü. Kote nә qәdәr çalışdısa,
kişinin quru balıqları hara apardığını, gecәnin bu vaxtında
kiminlә içdiyini tәsәvvüründә canlandıra bilmәdi.
Qәribә dә olsa, gecәyarısı qatarda işgüzarcasına, sirli-sirli
dolaşan, tez-tez kupeyә baş çәkib tәzәdәn gözdәn itәn bu
ucaboy, cılız kişiyә hәsәd aparırdı. Köks ötürüb işığı söndürdü,
yatağa uzanıb başının üstündәki gecә lampasını yandıraraq
jurnalı әlinә aldı.
Üçüncü sәrnişin növbәti dәfә peyda olanda Nelli yatmışdı.
Kote dә özünü yuxuluğa vurdu. Kişi әvvәlki qaydada
çamadanı açıb quru balıqları saymağa başladı. Sәrxoşluq, ya
da ehtiyatsızlıq üzündәn çamadan yerә düşdü, quru balıqlar
döşәmәyә sәpәlәndi, hәtta biri Nellinin yatağına sıçradı. Qadın
qorxdu, qışqırıb dik atıldı. Yuxulu gözlәri ilә әrinә baxdı,
üçüncü sәrnişin yerdәki balıqları yığışdırandan sonra
mızıldana-mızıldana üzrxahlıq elәyib әlini Nellinin mәlәfә -
sinin altında gәzdirib axırıncı balığı tapdı. Nelli bir әliylә
mәlәfәni yuxarı dartır, digәr әli ilә dә yatağını yoxlayırdı:
qadına elә gәlirdi ki, cod vә pulcuqlu bir şeyin üstündә uzanıb. 125
Kişi onun üzünә baxmadan bildirdi ki, zәhmәt çәkib axtar -
masın, axırıncı balığı tapıb. Nelli sakitlәşdi, elә bu mәqamda
çamadan yenә üçüncü sәrnişinin әlindәn düşüb gurultu ilә yerә
dәydi, qapağı açıldı, amma içi boş idi. Nelli qışqırdı. “Eybi
yox! Eybi yox! – Kişi dedi, – narahat olmayın!”. Balıqları
tәlәm-tәlәsik cibinә soxdu, boş çamadanı yerinә qoyub
kupedәn çıxdı.