Page 82 - Danilenko

Vladimir Danilenko

– Bunu qadınlar kişilәrdәn yaxşı bilir. Hansı kişiylә

yaşayacağına qadının özü qәrar vermәlidir. Bu mәsәlәylә bağlı

heç kimlә mәslәhәtlәşmәyә ehtiyac yoxdur.

Nәhayәt, Alla psixoterapevtlә vidalaşıb, küçәyә çıxdı.

Cümә axşamı Alla qızını dayәnin yanında qoyub, evdәn

çıxdı. Qızılgül buketi alıb, tamaşaya yollandı. Sәhnәdә Denis

Pulenkonu görәndә, hәr şeyi unutdu. Bu dәqiqәlәrdә harada

olduğunu soruşsalar, tamaşanın mәzmunu barәdә nәsә

soruşsalar, bәlkә dә, cavab verә bilmәzdi. Allanı onun intona-

siyası, sәs tembri, mimikası, jestlәri, hәrәkәtlәri maraqlan-

dırırdı. Onun rahatlığını әlindәn almış, başını itirmәyә mәcbur

etmiş bu kişini yaxından tanımağa çalışırdı. Ona elә gәlirdi ki,

doqquz il әrzindә әrini bu qәdәr yaxından tanımayıb. Pulenko,

necә deyәrlәr, onun adamı idi. Amma ömürboyu axtardığı

kişiydimi? Sevgilisi var, yoxsa yox? Allanın arzuladığı böyük

mәhәbbәtә hazırdırmı? Tamaşa başa çatanda, Allanın canına

vicvicә düşdü – hәm qorxur, hәm dә onunla görüşmәk üçün

ürәyi gedirdi. Tamaşa qurtardı, әlindә gül-çiçәk dәstәsi tutmuş

adamlar sәhnәyә doğru axışdı. Alla qızılgüllәri Denis Pu-

lenkoya uzadıb, yavaşcadan dedi:

– Bu gün Tarnovskilәrin malikanәsindә olduğundan daha

yaxşı oynadınız. Әksini sübut etmәk istәyirsinizsә, sizi

dinlәmәyә hazıram. Fürsәtdәn istifadә edib, adama bir qәdәh

martini içәrik.

– Dәvәt edirsiniz?

– Tamaşadan sonra sizi teatrın qabağında gözlәyәcәyәm.

O, qarderobda növbәyә dayanıb, paltosunu geydi vә

Proreznaya1 küçәsinә çıxdı. İliyinә işlәyәn soyuqdan qorun-

82 maq üçün paltosunun yaxalığını qaldırdı. Sonuncu tamaşaçılar
teatr binasını tәrk etdikdәn sonra Denis Pulenko ona

yaxınlaşdı.

– Üşüyürsünüz?

– Teatrınızın әtrafı çox soyuqdur.

– İndi bir şey fikirlәşәrik. Yeri gәlmişkәn, adınız nәdir?

– Alla.

1Proreznaya – Kiyevdә “Molodoy” teatrın yerlәşdiyi küçә