Page 80 - Danilenko

Vladimir Danilenko

Mendelә müraciәt etmәk qәrarına gәldi. Mendelә zәng vurub,

görüş istәdi. Ertәsi gün Mendel onu öz kabinetinә dәvәt etdi

vә söhbәtә başladılar.

– Bilirsiniz, sizin qәbulunuzda öz keçmişim haqqında

danışdıqca, bütün hәyatım kino lenti kimi gözlәrim önündәn

keçdi, – Alla dedi. – Tarnovskilәrin malikanәsindә baş verәn-

lәrdәn sonra başa düşdüm ki, Faddeylә münasibәtimiz heç

vaxt düzәlmәyәcәk. Sizinlә görüşәnә qәdәr, heç olmasa,

zahirәn xoşbәxt, firavan ailә kimi görünürdük. Amma indi o

da yoxdur. Mәn artıq şәfqәt, mәrhәmәt hissinә әsaslanan

mәqsәdli evliliyә inanmıram. Yalnız insana qol-qanad verәn,

qanını coşduran, yaşamağa sövq edәn sevgiyә inanıram. Bu

sevgi din kimidir. Mәnim üçün asketik dinin qara qәpik qәdәr

qiymәti yoxdur. Kişi ilә qadının rәngsiz, solğun, boyat

münasibәtlәri mәnә asketik dini xatırladır. Xudbinlik, eqoizm

insana xas xüsusiyyәtdir. Ona görә dә, kişini vә qadını yalnız

odlu-alovlu, ehtiraslı sevgi ucalda bilәr. Mәn ürәyimdәki

sevgini nәsli davam etdirmәk instinkti ilә deyil, öz “Mәn”imi

inkişaf etdirmәk, mәdәni sәviyyәmi artırmaq mәsәlәsi ilә

uzlaşdırmaq istәyirәm. Sevdiyim vә onunla birgә dünyaya

uşaq gәtirmәk istәdiyim kişi mәnim tәbiәtimi dәyişdirmәyә

çalışmamalı, әksinә, mәnә dәstәk olmalıdır. Sevgi yoxdursa,

öyüd-nәsihәt vermәklә, әr-arvadın başına ağıl qoymaqla, heç

bir problemi hәll etmәk mümkün deyil. Elә deyilmi? Sevgi –

ya var, ya da yoxdur! Ona görә dә, onu sizin seanslarda axtar-

maq sadәlövhlükdür.

– Mәn sevgi axtarışına çıxmamışdım, – Mendel etiraz etdi. –

Mәn yalnız sönmüş ocağı yenidәn alovlandırmaq istәyirdim.

80 Yeri gәlmişkәn, hәyatınız boyu axtardığınız kişi necә
olmalıdır? Ondan nә gözlәyirsiniz?

– Bu, adi qadın uydurmalarıdır, – Alla köks ötürdü. –

Xәyalımdakı kişi elә bir insan olmalıdır, mәnimlә elә

davranmalıdır ki, mәn gecә-gündüz ev-eşik, bank hesabı,

dünyanı sәrbәst gәzib-dolaşmaq barәdә düşünmәyim. Bu

halda mәn onunla uçuq daxmada vә ya Arzular Şәhәrindә, yәni

istәnilәn yerdә xoşbәxt yaşaya bilәrdim.