Page 189 - Danilenko

evli oğlan

Çayda üzәn katerin işıqları yandırılmışdı. Vağzalın önündәki 189
hәrәkәtsiz maşınlar yuxuya getmiş tarakanlara oxşayırdı.
Rütubәtli külәk asfaltın üzәrindә boş pivә bankasını oynadırdı.
Peçorsk monastırının qüllәsindә siqnal işığı yanır, geniş yolda
avtomobillәr şütüyürdü. Yolun kәnarlarında boş şampan
şüşәlәri gözә dәyirdi.

Sәhәr tezdәn Qız zәng elәdi. O, Oğlanı “Sadәlövh adam
atelyesi”nin yanında gözlәyirdi.

– Sәnә sәrfәli tәklifim var, – o, Oğlanın qoluna girdi. –
İyirmi faizlik güzәştlә nağd ödәniş tәklif edirәm.

– Qara pullarla? – Oğlan istehzayla gülümsündü.
Dünәn baş verәnlәri Qıza bağışlaya bilmirdi.
– Bәs vergi idarәsi?
– Sәnin problemin deyil, – Qız narazı sәslә dedi.
– Yaxşı, oldu, – Oğlan dedi, – Vlad Kozlenkoyla danı-
şaram.
– Bu, sәnin şefindir?
– Hә! – Oğlan hirslә fısıldadı. – Amma o, cavan qızlara ta-
mah salmır.
– Nә pis oğlansan, – Qız onun burnuna çırtma vurdu. –
Hәlәlik! Saat beşdә kisә götür, ofisә gәl.
– Kisә götürüm?
– Nә qanmaz adamsan, – Qız dilini göstәrdi. – Bәs pulları
hara qoyacaqsan?
Oğlan dәrhal plan qurdu – o, Vlada deyәcәk ki, firma
iyirmi beş faiz güzәştlә nağd pul tәklif edir. Vlad razılaşacaq,
çünki iştahı gün-gündәn artır, agentlik onunla ayaqlaşa bilmir.
Ofisdә Oğlan güzgünün qabağına keçib, mәşq elәmәyә
başladı: qorxurdu ki, faiz barәdә danışanda baxışları onu әlә
versin. Başlıcası, sakit olmaq lazımdır.
Vlad xәbәri eşidәn kimi canlandı, kefi kökәldi.
– Pulları gәtir, – әlini Oğlanın çiyninә şappıldatdı. – Sәnә
çatacaq pulları dәrhal ödәyәcәyәm.
“Qrenuy” firmasında ona bir torba pul vә videoçarx yazıl-
mış kaset verdilәr. Oğlan reklamın hansı saatlarda efirә veri-
lәcәyini xatırladıb, ofisi tәrk etdi. O, botanika bağında pulları