Page 83 - Bagater Arabuli_Layout 1
P. 83
Gündüz yuxuları
Kimin üçün ay olub doğursan gecәlәr?
Quşların dilindә kimin üçün oxuyursan?
Kimin yoluna körpü edirsәn göyqurşağını?
Güllü-çiçәkli çöl kimi ayağı altına sәrilirsәn
kimin?
Kimi çağırırsan qürbәt deyilәnә zınqırov çalıb?
Kimin qapısında çiçәk açırsan, mәhәbbәt?
* * *
Açılan sәhәrә qarışıb yox oldu bu gecә dә...
Necә ki bir çaylaq böyük bir çaya qovuşub
yadına düşmür heç kәsin.
Necә ki ulduzlar günәşin işığını görüb
toz kimi gözdәn itirlәr...
Kartlinin düzәnliklәrini әsrarәngiz hәsrәtlә
dolduran ay da
söndü dağların başında.
Açılan sәhәrә qarışıb yox oldu bu gecә dә...
Qayıdış
Qayıdıram mәhәbbәtimә –
Bir sәyyah uzaq sәfәrdәn öz evinә qayıdan kimi.
O evә ki, öz tanış hәrarәtini saxlayır,
o evә ki, onun әşyaları әvvәlki kimi qoxuyur
eynәn.
Vә ilahi bir qәnirsizliklә nәfәs alırlar...
83
