Page 73 - Bagater Arabuli_Layout 1

Gündüz yuxuları

Nә vaxta kimi
güllәlәrin diliylә söhbәt edәcәyik bir-birimizlә?
Qәdim qala kimi
dağılmış vәtәnim!

Öz әllәrimizlә
onu didib talan etmişik.
Kim ovudacaq yaralarını,
parçalanmış könlünü vәtәnin?

Bu ağır günahlara
batmış qardaşları
kim әfv edәcәk?
Qar örpәk kimi sәrilir yerә,
bu gün aramızda araçıdır qar..

3.

Deyin mәnә, kim bizi düşmәn etdi?
Ürәklәrimiz arasında
saldığımız körpünü
kim xaraba qoydu?
Bu mәkanları kim dәlik-deşik etdi?
Günәşimizi qan lәkәlәri ilә
kim “bәzәdi”?
Kim dedi ki,
bir-birimizә ehtiyacımız yoxdur?
Mәhәbbәt üçün alışıb yanan,
Sevgiyә tәşnә ruhlarımızı kim söndürdü?..
Kim ayırdı yollarımızı,
kim?
Deyin mәnә, kim bizi düşmәn etdi?

73