Page 10 - Bagater Arabuli_Layout 1
P. 10
Bağater Arabuli
Bütün alәm yox olunca özün dә çaşbaş oldun
vә qәfildәn o vağzalla o gün baş-başa qaldın.
Yada salıb yalvarsan da bir söz söylәmәz daha,
ta o qatar çıxıb gedib, geri qayıtmaz daha!
Payız
Xatirәlәrin hakimi payız,
nәdi dәrdin?
Nә yanırsan belә gizli qәmin oduna?
Nәyim varsa, sәnin olsun –
sәnin olsun sәdaqәtim, mәhәbbәtim.
Özümçün qoruyub saxladığımı da
bağışlayıram sәnә.
Qәribә hәyәcanla gözlәmişәm
gәlişini hәr zaman:
bilirәm axı
ilahi rәngli
yarpaqlardan kәfәn biçib
qәbrimi bәzәyәn sәn olacaqsan axırda.
* * *
Yanağında puçurlayan göz yaşı
gözәldi qızılgül lәçәyindәki
şeh damlası kimi.
Kәdәrinsә
gecәnin dumanından canını qurtarıb,
hәsrәtlә günәşi gözlәyәn
qızılgülün sәssiz qüssәsini xatırladır mәnә.
10
