Page 9 - Bagater Arabuli_Layout 1

Gündüz yuxuları

Ömür-gün yoldaşıma

Sona çatır gün yenә, yenә hava qaralır,
yenә dağlar başını qara buludlar alır...

Kartli çöllәrini şәlәlәyib belimә,
dikәmmirәm evinin yenә divar yerinә.

Yenә ay işığını göydәn bir anlığına –
salammıram otağın qorxunc qaranlığına.

Bir buz sırsırasını qandıra da bilmirәm,
sәnin üçün şam kimi yandıra da bilmirәm.

Çırpınan lәpәlәrin sazağını ipәktәk
yenә qapın ağzına sәrә bilmirәm, heyif.
Heç maral sürüsü dә bәslәmirәm sәninçün,
Heç sәmadan nә vaxtsa sәnә vәd elәdiyim
sayrışan ulduzları dәrә bilmirәm, heyif.

Sona çatır gün yenә, yenә hava qaralır,
yenә dağlar başını qara buludlar alır...

Ayrılıq

İldırımın qәzәbindәn buludlar aralandı,
qәfil gecә vağzalında әsәn yel yaralandı.
Yağış qaranlıq küçәni qamçıladı bir әldәn,
bu dünyaya qatar sәsi damcıladı bir әldәn.
Gedәn gecә qatarıını uddu bir dev qaranlıq,
birdәn dünya gözlәrindә viran qaldı bir anlıq.

9