Page 9 - anderson_Макет 1

Maraqlısı odur ki, bu hadisәdәn sonra Anderson hәyatını
dәyişdirәn qәfil qәrarlar verir. İşini vә ailәsini tәrk edәrәk özünü
tamamilә yazıçılıq karyerasına hәsr etmәk üçün Çikaqoya köçür.
1914-cü ildә hәyat yoldaşı Kornelia Leyni rәsmi olaraq boşayır
vә elә hәmin il Tenesi Mitçellә evlәnir.
Bu mәqamda, bәlkә dә, hadisәnin mәğzi ilә bağlı qәzetlәrdәn
vә hәkim diaqnozlarından da daha dәqiq mәlumat verәn Andersonun
sonrakı illәrdә qәlәmә alacağı xatirәlәr toplusundakı aşağıdakı
sәtirlәr hәqiqәtә daha uyğundur:
“Mәn çıxıb getmәk, biznesdәn, işimdәn uzaqlaşmaq istәyir -
dim. Ağlıma gәldi ki, bir bicliyә әl atım. Әgәr dәli olduğumu
düşün sәydilәr, çıxıb getmәyimә, hamıdan uzaqlaşmağıma görә
mәni çox qınamazdılar”.
Ofisindәn çıxarkәn hәyat yoldaşına qoyub getdiyi kağızda
isә bunlar yazılmışdı:
“Orda, o çayın üstündә bir körpü var. Mәn ora çatanda hәr
şey yaxşı olacaq. Bütün günü günәşin altında dayanıb yazacağam.
Külәklәr saçlarımın arasından әsib keçәcәk”.
Bioqrafların bir qismi bu hadisәdәn sonra yazıçının ticarәt
vә bizneslә әlaqәsini ümumiyyәtlә kәsib özünü әdәbiyyata hәsr
etdiyini, bir qismi isә ara-sıra köhnә biznesini davam etdirdiyini
yazırlar. Görünәn isә ondan ibarәtdir ki, bu hadisә, hәqiqәtәn dә,
onun hәyatında bir dönüş nöqtәsi olur. O vaxta qәdәr heç bir
mәtbu orqanda bәdii yazıları çap olunmayan Anderson dörd il
sonra “Vindi Mekförsonun oğlu” adlı ilk romanını ortaya qoyur.
Ona böyük şöhrәt qazandıracaq “Vaynzburq, Ohayo” adlı hekayәlәr
toplusunun ilk hekayәlәrini dә o vaxtlarda qәlәmә alır. Hәmin
hekayәlәrin qәlәmә alınma tarixçәsi dә müәyyәn qәdәr maraq
kәsb edir:
“Bir payız gecәsi idi, çöldә yağış yağırdı. Paltarlarımı soyunub
yerimә uzanmışdım. Birdәn mәnә nә oldusa, yerimdәn sıçrayıb
ayağa qalxdım. Yazı makinamın arxasına keçib yazmağa başladım.
Açıq pәncәrәnin qabağında oturub yazırdım. Yağış arabir
içәri vurur, çılpaq kürәyimi isladırdı. İlk әsәrimi bu cür yazdım.
Hekayәlәrin qalanlarına da növbәti axşamlar, bәzәn isә ofisdә
olduğum vaxtlar başladım. Vә bütün hekayәlәri birinci hekayә
kimi biroturuma yazıb bitirdim”.

9