Page 7 - anderson_Макет 1

Tәrcümәçidәn

Şervud Andersonun hәyatında әn maraqlı vә tәәccüb doğuran
mәqam 1912-ci ilin 28 noyabrında 36 yaşında ikәn başına gәlәn
vә onu işindәn, ailәsindәn, köhnә hәyatından uzaqlaşdırıb
“mürәkkәb qoxusuna aludә edәn” bir qәribә hadisәdir. Bu nә idi
vә o hadisәyә qәdәr Şervud Anderson nәlәr yaşamışdı?
Şervud Anderson 1876-cı ildә Ohayonun Kәmden әyalәtindә
dünyaya gәlib. Ailәsinin ağır maddi durumu vә atasının borcları
sәbәbindәn onlar tez-tez yaşadıqları yerlәri dәyişmәyә mәcbur
olur, Kәmdendәn sonra dörd-beş il müddәtindә Kaledoniyada,
daha sonra Klayd әyalәtindә yaşayırlar. Kasıb olduqlarına görә
Ş.Anderson hәlә uşaq ikәn işlәmәyә başlayır, ailәsinә dәstәk
olmağa can atır. Mehtәr, çoban, bağban, qәzetsatan kimi müxtәlif
işlәrdә işlәyәn Anderson mәktәbә dә davamlı gedә bilmir, hәtta
14 yaşında dәrslәrinә ara verәrәk düz 9 ay tәhsildәn uzaq qalır.
Andersonun atası içki düşkünü idi. Bu sәbәbdәn ailәnin әsas
yükü paltar yumaqla pul qazanan anasının çiyinlәrinә düşür.
Sonralar yazdığı xatirәlәrindә atasını xoş hisslәrlә anmayan Ş.An-
derson: “Anamın o adama necә tab gәtirdiyini hәlә dә anlaya
bilmirәm”, – deyә qeyd edir.
Ş.Anderson 19 yaşında ikәn anası vәrәmdәn dünyasını dәyişir.
Bu itkidәn sonra o, 1896-cı ildә Çikaqoya köçür vә qardaş-
bacıları ilә burada yaşamağa davam edir. Onsaatlıq iş rejimi ilә
günә cәmi iki dollar qazanan Ş.Andersonun maddi sıxıntıları
burada da sona çatmır. Bununla belә, o, bir vaxtlar yarımçıq
qalmış tәhsilini davam etdirmәk hәvәsi ilә Luis İnstitutunda
axşam mәktәbinә yazılır. Lakin bu dәfә dә İspaniya-Amerika
müharibәsi onun tәhsilini yarımçıq qoyur vә Anderson çox
keçmәdәn – 1898-ci ildә ordu sıralarına yazılır. 1899-cu ilә qәdәr
bir neçә ay tәlim düşәrgәlәrindә olur, sonra isә ABŞ ordusu
tәrkibindә Kubaya yollanır.

7