Page 233 - Patriarxın payızı

PATRİARXIN PAYIZI

yerindәn qaban tәrpәnişinә bәnzәr dolama-dolaşıq, ağır
hәrәkәtlәrlә – әvvәl dalını qaldırıb qabaq ayaqlarına
dirәnәrәk, sonra başını dikәldib ayağa qalxdı. Belәcә, ağır
qaban hәrәkәtiylә ayağa qalxandan sonra zabitә әmr verdi
ki, әvvәla, itlәri onun pәncәrәlәri altın dan yığışdırıb hara
istәyirlәr aparsınlar ki, sәslәrini eşitmәsin, amma
öldürmәsinlәr, heyvanlar qocalıb gәbәrәnәcәn dövlәtin
hesabına saxlanılsın; ikinci әmr bu oldu ki, Letisiya
Nasarenonu vә uşağı hәmin o taleyüklü çәrşәnbә günü
müşayiәt edәn günahkar әsgәrlәr azad edilsin; üçüncü
әmr Maurisio vә Qumaro de Leon qardaşlarının tәcili
surәtdә edam edilmәsi barәdә idi: özü dә hәrbi-sәhra
mәhkәmәsinin qәrarındakı kimi güllәlәnmә ilә yox, dörd
ata bağladılıb şaqqalanmaqla. De Leon qardaşları, әmrdә
yazıldığı kimi – atlarla şaqqalandı, bәdәnlәrinin ayrı-ayrı
hissәlәri nәhәng matәm sәltәnәtimizin ayrı-ayrı
mәhәllәlәrindә gözә dәyәn yerlәrdәn asıldı ki, camaatın
canına vәlvәlә salsın.
“Yazıq uşaqlar…” – o, nәhәng fil ayaqlarını аrdıncа
sürütlәyә-sürütlәyә ürәyindә deyirdi, sonra qәfildәn
ehtiraslı bir sәslә öz-özünә: “Anam mәnim, Bendisyon
Alvarado, mәnә kömәk elә, әlimdәn tut, apar! Mәnә bu
günahsız qana görә qisas ala bilәcәk bir adam yetir!” –
dеyә yalvarırdı. Belә bir adamı о, gecә-gündüz
arzulayırdı... elә bir adamı ki, fitri güdmәk qabiliyyәti
olsun. Bu adamı tәsәvvürünә dә gәtirmişdi… hәmin şәxsi
о, gizli hәyәcanla rastına çıxan adamların arasında –
onların gözlәrinin dәrinliklәrinә baş vura-vura tapmağa
çalışır, әtrafındakılara diqqәt kәsilәrәk onu sәsinin
hansısa fәrqli ahәngindәn tanımağа çаlışırdı; aradabir öz
içini – qәlbinin sәsini dә dinlәyirdi, yaddaşının künc-
bucağını eşәlәyә-eşәlәyә onu orаlаrda dа tapmaq ümidini
üzmәk üzrәydi ki, hәmin adam gözlәri qarşısında
gözlәnilmәdәn, öz ecazkar gözәlliyi ilә özü peyda oldu.
“Bu mәnim gözlәrimin bu vaxta qәdәr gördüyü
adamların әn bәnzәrsizi idi, anacan!” 233
Bu аdаm keçmiş zadәganlar sayağı geyinmişdi
әynindә ilgәklәrinә qardeniyalar taxılmış Henri Poul frakı