Page 56 - Miisir
P. 56
– Ey hökmdar, sәni sağ-salamat, güclü vә qüdrәtli olasan! – sehrbaz cavab verdi. –
Mәn sәnә gәlәcәyin sirrini açdım, sәn isә onu dәyişmәk istәdin. Lakin heç kim böyük
Maatın iradәsinә qarşı çıxmaq iqtidarında deyil. O, dünyanın qaydalarına nәzarәt edir
ki, bütün işlәr öz axarı ilә getsin, taleyin hökmünә әmәl olunsun. Tanrı sәnә deyir
ki: “Geri qayıt, Racedetin oğlanlarının hәyatına qәsd elәmә!”
Ağıllı firon bәrkdәn qışqırdı:
– Tanrının iradәsinә tabe olmalıyıq!
Elә bu sözlәri demişdi ki, kanal suyla doldu vә Xufunun gәmisi geriyә, Memfisә
qayıtdı.
Әlahәzrәt firon ölәndәn sonra taxt-taca böyük oğlu şahzadә Xefren sahib oldu.
Firon Xefren әmr etdi ki, atasının ehramının yanında ona da ehram ucaltsınlar.
Ustalar iyirmi il daşı daş üstünә qoydular, Xefrenin ehramı әn uca dağdan da
yuxarı qalxdı, ancaq Xufu Xeopsun mavi sәmaya qәdәr ucalan ehramına çatmadı,
hündürlüyünә görә ikinci oldu.
Xefrenin hakimiyyәtindәn sonra qoca sehrbazın qabaqcadan dediklәri baş verdi
vә Misir hökmdarının taxt-tacı kahinә Racedetin oğlanlarına keçdi.
56
