Page 61 - Miisir

Şirә hәr tәrәfә axıb getdi. Keşikçilәr gülmәkdәn qarınlarını tutdular. Bir azdan
hәr şey bitdi – keşikçilәr yerә sәrilib xoruldamağa başladılar. Kiçik qardaş da elә
bunu gözlәyirdi, böyük qardaşının әl-ayağını açıb ulağa mindirdi. Yola düşmәzdәn
qabaq keşikçilәrin bığının sağ tәrәfini kәsdi: qoy bilsinlәr ki, başqasının ürәyinin
yumşaqlığından zövq almaq nә demәkdir.
Sarayda bilәndә ki oğru qaçıb, keşikçilәrsә rüsvay olublar, әlahәzrәt firon fikrә
getdi. O, necә olur-olsun, öyrәnmәk istәyirdi ki, bu qorxubilmәz kәlәkbaz kimdir.
Rampsenit düşünüb-daşınıb axırda bir qәrara gәldi. Carçılar paytaxtın hәr yerindә
hökmdarın әmrini yaydılar:
– Әlahәzrәt firon – onun canı sağ, qüdrәtli vә qüvvәtli olsun – öz qızını Misirdә
әn kәlәkbaz adama әrә verәcәk.
– Şahzadә qız kәlәkbazların әn mәharәtlisinә çatacaq!
– Kәlәkbazlar vә gopçular, saraya tәlәsin. Orada әn mәharәtli kәlәkbazı
xoşbәxtlik gözlәyir.
Carçılar bu qәrarı bütün paytaxt әhalisinә elan edәrkәn firon qızını yanına
çağırıb dedi:
– Yanına gәlib sәninlә evlәnmәk istәyәnlәrdәn әn hiylәgәr kәlәyinin nә olduğunu
so ruşarsan. Kim desә ki, mәn keşikçilәri axmaq yerinә qoymuşam, әmr edәrsәn, onu
tutsunlar...
Şahzadә qızın yanına evlәnmәk tәklifi ilә gәlәnlәr öz kәlәklәrindәn danışırdılar:
– Mәn qonşumu aldadıb torpağını mәhkәmәdә udmuşam.
– Mәn misdәn düzәldilmiş bilәrziyi qızıl suyuna salıb, qızıl yerinә satmışam.
– Mәn qәrib bir taciri aldadıb, ona taxıl yerinә yüz kisә qum vermişәm.
Yox, belә xırda-mırda fırıldaqlar kәlәkbazın hiylәsi ilә müqayisә edilә bilmәzdi. 61
O, yenidәn firona kәlәk gәlmәk fikrinә düşdü. Ehtiyat üçün mumiyanın qurumuş әlini
götürüb büzmәli bürüncәyinin altında gizlәdәrәk, cәsarәtlә saraya yollandı. Qapıda
dayananlar soruşdular:
– Sәn kimsәn, adın nәdir vә niyә tәşrif gәtirmisәn?
– Mәn kәlәkbazam, әlahәzrәt fironu aldatmağa gәlmişәm. Allah onun canını
salamat, qüdrәtli vә qüvvәtli elәsin.
– Keç görәk, qapıda dayanma.
Cavan oğlan qırx әlvan sütunlu saraya daxil olanda qarşısına fironun qızı çıxdı.
Xırda addımlar atdıqca bәrq vuran qızılı donu yellәnirdi. Әlinin üstünә atdığı bürün -