Page 129 - dailan

Dailan Kifki

40
Konduktor özümlә nә apardığımı anladı... qәfәs!
Yadımdan çıxmışdı sizә deyәm: cәnab Karosonun
zalında baş vermiş mәşhur qәzada topun şüşә çarpayısı
da sındığı üçün yolda rahat getsin, rahat yatsın deyә
onu bir qәfәsә qoyub mәnә vermişdilәr.
Konduktor qәfәsin özünü görsә dә, sәs-küy fikrini
yayındırdığı üçün içini görә bilmәmişdi.
– Bilmirsiniz ki, qәfәsin içindә dә olsa, qatara hey-
vanla minmәk olmaz? – mәndәn soruşdu.
– Cәnab konduktor, axı mәn bu qәfәsdә heyvan
aparmıram.
– Xanım qız, içәrisi boş qәfәs daşıdığınıza mәni
inandıra bilmәzsiniz.
– İçi boş deyil. Bu qәfәsdә mәşhur Top yatır (onu
daha çox mütәәssir etmәk üçün topu böyük hәrflә
dedim).
– Ola bilmәz... – konduktor papağının altından
başını qaşıyıb heyrәtlә dedi. Sәn demә, özü dә futbol
hәvәskarı imiş.
Bu vaxt qardaşım Roberto özündәn mәşhur oyunlar,
oyunçular, gözәl qollar vә s. haqda çoxsaylı әhvalat
uydurub ona danışdı.
Futbol haqda xeyli söhbәt etdilәr. Tәbii ki, qatar
yola düşmәkdә gecikdi vә sәrnişinlәr şikayәt etmәyә
başladılar. Hәrçәnd çox da şikayәt elәmәdilәr, çünki
hamı qatarların gecikmәyinә qәdimdәn öyrәşib.
Konduktor danışdıqca danışır vә qәfәsin qızılı tirlәri
arasından tәkrar-tәkrar topa baxırdı.
Bu arada hiss edirdim ki, baş bәlası Dailan Kifki
arxamdan yavaş-yavaş sürüşüb aradan çıxır. Mәn
konduktoru söhbәtә tutub, paltarımın әtәyi ilә onu
gizlәtmәyә çalışırdım.

129