Page 105 - dailan

Dailan Kifki

Mәn pәncәrәdәn boylanıb gördüm ki, Dailan Kifki
sakitcә qolf oynayır. Xortumu ilә topu itәlәyib qarışqa
yuvasına salmağa çalışır.

– Gәlin baxın! – cәnab Karosoya dedim.
Onu qucağıma alıb qaldırdım ki, baxıb görsün.
– Yaxşı, bәs onda bu gurultu nә idi? – cәnab Karoso
soruşdu.
– Bilmirәm, amma Dailan Kifkinin günahsız olduğu
aşkardır, ona görә mәrci mәn udmuş sayılıram.
– Bir dәqiqә, – mәrc elәdiyinә görә artıq peşman
olmuş cәnab Karoso dedi. – Gәrәk bu mәsәlәni bir
xәfiyyә araşdırsın. Bu qәzanı, hәqiqәtәn, Dailan
Kifkinin törәtmәdiyindәn әmin olana qәdәr topu götürә
bilmәzsәn.
– Cәnab Karoso, axı әvvәlcә bilmәliyik ki, bu qәza
dediyimiz nәdәn ibarәtdir. Gurultu eşitdik, amma nә
baş verdiyini bilmәk üçün heç yerimizdәn
tәrpәnmәmişik, – әsәbi halda dedim.
– Nә baş verdiyini yaxşıca öyrәnmәk üçün bizә
xәfiyyә lazımdır, әsl xәfiyyә, optik lupalı, qәlyanlı
xәfiyyә, – cırtdan hәmişәki kimi inadkarlıq etdi.
– Axı öz gözümüzlә baxıb görә bilәriksә, onda
xәfiyyә nәyә lazımdır? Cәnab Minuxin, sәs yaxından
gәlirdi, qәza, deyәsәn, evin içәrisindә baş verib.