Page 31 - "Dünya yuxutək əriyir..."

Dünya yuxutək əriyir...

Külәk, apar mәni bulud üstüylә!
Apar mәni, külәk, qoy sovuşsun qәm!
Sus, boş vıyıltınla dindirmә mәni,
Nә Cәnnәt bilinsin, nә dә Cәhәnnәm.

Nәdәn öz gözümdә qüdrәtliymişәm?
Zamanı saxlaya bilmirәm bir an.
Dәrddәn әl atıram buluda, göyә
Mәni görmәk belә, istәmir Zaman.

Hәsrәtlә payızdan, yazdan tuturam,
Onlar geri dönmür… onlar yol gedir.
Dualar edirәm, Allah keçәndi,
Keçir günahımdan, mәni әfv edir.

Göy dәniz… yenә dә Günәş vә külәk…
Göy dәniz… hәr tәrәf sakitdi bu gün.
Ürәyim qışqırır, ruhum çırpınır,
Çırpınır, tәk-tәnha qalmamaq üçün.

Leyla Əliyeva