Page 178 - "Dünya yuxutək əriyir..."

Şeirlər

Dәrindәn nәfәs alın,
geniş baxın hәr şeyә!

Dәrindәn nәfәs alın, geniş baxın hәr şeyә!
Qәdәr yoxdu! Hәdd yoxdu!
Tozdu bütün insanlar kainatın içindә,
Hәm nәhәngdi, hәm çoxdu!

Dәrindәn nәfәs alın, geniş baxın hәr şeyә!
Bunu ki, hәr kәs bilir. Bunu kimә anladaq?
İnsan sağlamlığına idmanın faydası var!
Uçmaq da faydalıdı, uçun, idmandı bu da!

Sağlam olmaq üçün parkda gәzәrkәn,
Saata baxmağı siz unutmayın.
Otların üstündә hәdiyyәlәr var,
Onların önündәn tez adlamayın!

Hәrçәnd, deyirdilәr uçmaq ziyandı,
Qan donur, qalxınca tәyyarә göyә.
Boş şeydi… aşınca biz kainatı,
Vaxtımız da qalmır tәzyiq ölçmәyә.

Belә yaşayırıq… pisdi, yaxşıdı,
Öyüd-nәsihәtdәn yorulur adam.
Mәn isә uçuram… pis uçsam da lap,
Yerlә yerimәyi yadırğamışam.

Hәrçәnd, yenә dә yox, yenә dә yalan!
Allahın hәr günü gәzirәm parkda.
Hәdiyyәlәr tapır, rәqәm sayıram,
Baxıram saata, hәvәs olanda.

178 / 179