Page 42 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

özlәriylә sürüyüb
hәrә çәkdi bir tәrәfә.
Xatirә-xatirә daşındı Mәlik,
Kәdәr-kәdәr oxşandı Mәlik,
Acı-acı yaşandı Mәlik.
Bir dә göz açıb gördülәr
Mәlikdәn bir әsәr yox.
Biri dedi: “Qoşulub ay işığına”.
Biri dedi: “Ərşә çәkilib”.
Biri dedi: “Fürsәt düşüb әlinә”,
harasa әkilib.
Amma biri dә dedi:
“Qoşulub itmiş cığıra”.
Dörd tәrәfә boylanıb
Mәliki qaldılar çağıra-çağıra.
Amma ki
Mәlikdәn sәs çıxmadı.

Bulud ötdü, yağış gәldi, qayıtmadı.
Payız keçdi, qış gәldi, qayıtmadı.
Güllü-çiçәkli bahar da gәldi,
Qayıtmadı Qara Mәlik.
Ocağına yar da gәldi,
Qayıtmadı Qara Mәlik.
El-obanın dağlarından,
düzlәrindәn keçib getdi.
Qәriblәrin gözlәrindәn keçib getdi.
Gәlib soyuq kәdәrimdәn keçib getdi.
Baş alıb bu gen dünyadan
hara getdi, hara Mәlik?

42