Page 44 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

IV
Üzü, gözü
qәmlәrinә bulaşa-bulaşa,
ayaqları
kәdәrinә dolaşa-dolaşa
axşamayaxın
yorğun-arğın
dönәrdi komasına.
Görәrdi iki zәrif әl uzanıb
qayıdan yolları üstә.
Qәmindәn qopub yıxılardı,
Düşәrdi bir sevgili gözәlin
incә qolları üstә.
Bir sevgili baxışların
odu altından keçәrdi,
odundan içәrdi.
Əriyәrdi kәdәri istisindә.
Qüssә-qәmlәrini
kürüyәrdi canından
o sevgili baxışlar.
Tәzәdәn doğulardı Mәlik.
Axşam azanında
әlini qulağına aparıb
quş sәsiylә oxuyardı:
“Qara Mәlik, hәyat bir şirin yuxu,
Bәşәr tarixini yenidәn oxu.
Demә, mәhәbbәtmiş dünyanın oxu,
Başına hәrlәnir cahan, görmüşәm”.

44