Page 38 - Design_Zakir_Fakhri_Poems_FULL_Layout 1
P. 38
Zakir F XRİ Zakir FAKHRI
* * *
Bu ocağın dövrәsi sulanardı,
közünә köz qalanardı,
süfrәsi salınardı.
İgidlәr pәrvanә kimi
başına dolanardı.
Dövrәsi işığıydı,
başına cәm olanlar
hamısı aşığıydı.
Kamına kam çatmazdı,
Tamına tam çatmazdı
bu ocağın.
Bu ocağın közündәn
qanına köz düşdü Mәlikin.
İşığından
üzünә, alnına iz düşdü Mәlikin.
Biri vardı, biri yoxdu...
Birinin dәrdi-sәri çoxdu,
birininki heç yoxdu.
Bizim bu balaca düny
tapdalanmış kilim kimi
kirli idi.
Bu kilimin üstü ilә
var-gәl edәn Qara Mәlik
yamanca fikirli idi.
Dünyanın üst-başı
çәpәr-çәpәr yamaq idi...
Bircә fikri vardı Mәlikin,
o da bu kirli kilimi
suya çәkib yumaq idi.
38
