Page 594 - design_Topcubashov_Full_Layout 1

Əlimərdan bəy Topçubaşov

Ceyhun bәy dә edirdi. Lakin bir faydası dәymirdi. R.Z. 1
burada olanda mәnimlә görüşmәdi. Acınacaqlı durumdan
çıxmaq üçün göstәrdiyim bütün cәhdlәr sәmәrәsiz qaldı.
Vәziyyәt isә get-gedә mürәkkәblәşir, daha da ağırlaşırdı.
Borclar heyrәtamiz sürәtlә artırdı. Yenә dә mәhkәmә, qәrarın
icrası üçün gәlәn mәhkәmә pristavı, polis komissarı, mәnzili
boşaltmaq tәlәbi, özümüz çıxmasaq, mәcburi qaydada
köçürәcәklәri ilә bağlı hәdә-qorxu... Müәyyәn vaxta qәdәr
möhlәt almağıma zamin duran xeyirxah bir fransız tapıldı.
Bizimkilәrә yeni müraciәt dә bir nәticә vermәdi... Burada vә
başqa yerlәrdә müxtәlif şәxslәrdәn 50 min franka qәdәr
alacağım var, amma heç kim borcu qaytarmaq barәdә fikirlәşmir.
İndi İstanbulda yaşayan vә mәnә 2 min frank borcu olan
Pşemaxo Kotsev dә onların sırasındadır. Nә isә... 1931-ci ili
dә çox acınacaqlı vәziyyәtdә qarşıladıq. Borclar daha da
artmışdı, verilәn bütün möhlәtlәrin vaxtı çoxdan ötmüşdü.
Hәr gün ailәmlә birlikdә küçәyә atılacağımı gözlәyirәm.
Amma hәr şeydәn dә aydın göründüyü kimi, bunun heç bir
594 kimsәyә isti-soyuğu yoxdur. Fәqәt, başıma gәlәnlәr barәdә
Sizә yazıram... Sәhv vә günahlarım nә qәdәr böyük olsa da,
mәni belә ağır, böhranlı vәziyyәtdә tәk-tәnha qoymaq olmazdı,
maddi baxımdan bu cür dilәnçi kökünә düşmәyimә imkan
vermәk insafdan deyildi. Әvvәl gәrәk mәnә müәyyәn bir
yardım göstәrәydilәr, sonra mühakimә edәydilәr...
Әminәm ki, mәhz Siz mәnә belә amansızcasına yanaşa
bilmәzdiniz, yanaşmazdınız. Vә indi ehtiyacın girdabına
düşdüyümü bilәndәn sonra, fikrimcә, kömәyimә gәlәn dә
Siz olacaqsınız. Sizdәn heç nә gizlәtmәdim, indiki vәziyyәtimlә
bağlı hәr şeyi olduğu kimi yazdım. Әlbәttә, şәxsәn imkanınız
çatdığını bilsәydim, borclarımı ödәmәk üçün Sizdәn filan
qәdәr pul göndәrmәyi, yaxud әrkiniz çatan bir nәfәrdәn
mәnim üçün, heç olmazsa, min lirә borc almağı xahiş
etmәkdәn utanmazdım. Amma bu, mümkün olan işdirmi?
Tәәssüf ki, heyhat! Demәli, yeganә çıxış yolu kimi mәnim

1 Söhbәt Mәhәmmәd Әmin Rәsulzadәdәn gedir. (Tәrc.)