Page 294 - Sela

İLO XOSE SELA

dayın tәlәni üç gün açmadı, topuğunun әti partlamışdı,
sümüyü görünürdü, qalanları dovşan kimi qaçdılar, sonra
da susdular.

– Ölü kimi?
– Hә, senyor, ölü kimi.
Kasandulfların Raymundosunu Nanklares de Oka
hospitalından çıxartdılar, ömrü böyu saxlamayacaqdılar
ha, karlist-çavuş Piçiçi İqnasio Aranaraçeni dә hәmçinin
axsasa da, sağdı vә kefikökdü, biçarә Çomin Qalbarra
Larrane haqqında bunu demәk olmaz, o, sağdı, ancaq
kordu vә qolları yoxdu.
Vaxt ötür, yalan qalır; millәtçilәr hәr dәfә şәhәr tutanda,
arxa cәbhәdәkilәr bayram etmәk üçün küçәlәrә tökülüşürlәr,
artıq az şәhәr qalıb, yәqin, mәsәlә bitmәk üzrәdi, Alfambre
yaxınlığında әsgәrlәr milçәk kimi qırılırdılar, Tabeyron
Adrian Esteves Kortove Madrid cәbhәsindә hәlak oldu,
pulemyot onu aşsüzәnә döndәrmişdi, hәlak olanların adı
bizlәrin ürәyindәdi. Hәr sәhәr vicdan әzabıyla diksinәrәk
İzabella vә Ferdinandın tutqun güzgüsündә bütün ispanları
görürük; yeddi Alontranın kiçiyi Dolorinya Monteselo
Trasmil kor bağırsaq әmәliyyatından sonra tamam
sağalmışdı, indi ona baxmaq adama xoş gәlir, turp kimidi;
gәnclәrin ondan biri hәlak olub, sağ qalanlar hәrәsinә dörd
arvad düşәcәyi fikriylә tәsәlli tapırlar. Teruelin alınması.
Aqirre, adını bilmirәm, Loqronyo hospitalında yanımdakı
çarpayıda öldü, Terueldәn geri çәkilәndә yaralanmışdı;
Ferrenanın fahişәxanasındakı Fatimә mavritanyalı dostu
Salam ben Fәrәhi xatırlayır, o, ayağını kәsilmәyә qoymadı,
ölümü şikәstlikdәn üstün tutdu, bәlkә dә, düz elәdi; Klarita
Mansanedanın adaxlısı İqnasio Arauxo Sid uzağa getmәdi,
ölümü arzulayıb Belçitedә öldü; qırmızılardan qaçıb başqa
şәhәrlәrdә sığınacaq tapmayanlar, siz Qalisiyada ucuz
mәnzil tapa bilәrsiniz, “Baleares” kreyserimiz batırılıb,

294