Page 291 - Sela

İki ölü üçün mazurka

zahirәn yekdildilәr, keşişlәrlә, rahiblәrlә cәfәng söhbәtlәr
elәyib vaxtlarını öldürür, hirslәnir, donquldanırlar, mәnim
ailәm, Monça, Venesiya kimidi, xatirәlәrlә yaşayan vә özü
dә hiss elәmәdәn tәdricәn suya gömülәn Venesiya şәhәri
kimi, ailәmdә neçә illәrdi nә baş verir-versin heç nә hiss
elәmirlәr, bәlkә, belә yaxşıdı.

Robin Lebosan söhbәtini qurtarıb mürgülәdi, senyorita
Ramona onu narahat etmәmәk üçün barmaqlarının ucunda
otaqdan çıxır.

– Hәqiqәt odur ki, hәr ikimizin bәxti o qәdәr dә gәtirmir.
Ayaqları taxta olan Monço Preqisasın kuzinaları Adela
vә Georgina qucaqlaşıb senyorita Ramona vә Roziklerlә
rәqs elәyirlәr.
– İstәyirsәn, döşümü korsajdan çıxarım?
– Yox, yaxşısı budu, köynәyini çıxar.
Qırmızı Xaç xәbәr göndәrib ki, Kasandulfların
Raymundosunun anası, xalam Salvadora Madriddә öz
әcәliylә ölüb, dayım Kleto özünü yüksәk qiymәtlәndirir,
çox gözәl caz çalır, Yeni Orleandakı zәnci ondan yaxşı çala
bilmәz.
Kasandulfların Raymundosu fikirlәşir ki, seqoviyalı
don Atanasio İqerueladan (rozenkreyçer) daha gәnc, daha
mәdәni fәrd tәxminәn bunları deyә bilәrdi:
– Rәsmi bülleten müharibәnin özündәn pisdi, bunu
demәk olmaz, ancaq bu hәqiqәtdi, şübhәniz olmasın, rәsmi
bülleten – әclafların silahıdı, әlli il, ya ondan artıq bu
adamlar qalib sayılacaqlar, konqreqasiya pul qazanıb, bölә
bilir, yubileylәr qeyd elәyir, ancaq hәr şeydәn әvvәl әlindәki
silahdan istifadә etmәyi bacarır: pornoqrafiyaya, marksizmә
vә ateizmә, bir sözlә, әxlaqı pozan kitabların müsadirә
olunması vә mәhv edilmәsi barәdә әmr (oxumaq mәnәviyyatı
korlayır), birgә tәhsilin lәğv olunmasıyla bağlı qәrar
(pozğunluq), bәlәdiyyәlәrin mülki qubernatorların tabeliyinә

291