Page 289 - Sela

İki ölü üçün mazurka

– Çal.
– Bәs “İra, ira” tanqosunu?
– Onu da çal.
Nunçinyanın zәrif, melodik sәsinә qulaq asmaq, onun
ora-burasını sığallamaq Qaudensionun xoşuna gәlir.
Piçiçinin qohumu general Molanın katibiydi; general
lәngimәsәydi, qәtiyyәtlә irәli çıxa bilәrdi, indi o da, bioqrafı
da meyitdilәr, o dünyada әmәkömәci becәrirlәr; Piçiçinin
dediyinә görә, әminәvәsinin zülm elәyәn, “Mәn”dә mәqalә
yazıb, ucuzlaşdırılmış avtomobil alanda sәni aldatmamaları
üçün nә etmәk lazım olduğunu izah elәyәn jurnalist
olmuşdu.
– Bәs necә oldu?
– Nә bilim!
Kasandulfların Raymundosu Burqosda vә Salamankada,
elә başqa şәhәrlәrdә dә “daldalanan” bu katibciyәzlәrdәn
çox ehtiyat elәyirdi, onlar cәbhәdәn daha tәhlükәliydilәr,
onlar әn qorxaq nacinslәrdi. Belәsi hәr cür yolla uğur
qazanmaq istәyir, qoy lap atasının adı hәmişә lәnәtlәnsin,
heç nә onu dayandıra bilmәz, keçdiyi yola şәr, böhtan,
dәrd, hәtta meyitlәr sәpәlәyir, gorbagorlar tövbә elәyib
rahatca ölürlәr – istәyin hәddindәn artıq çoxluğu, nә
dediyimi başa düşürsәn? – istәyin hәddindәn artıq çoxluğu,
bircә o lazımdı ki, sәnin vәtәnpәrvәrliyin rәisin diqqәtini
çәksin. Viva İspaniya! İşlәrin yaxşı, ya düzgün getmәsi
vacib deyil, qoy alababat getsin. Tәmin olunmuş mәqsәdsiz
hәyat sürmәkdәn әlverişli vә tәhlükәsiz heç nә yoxdu, bu
o qәdәr dә anlaşılan deyil, ancaq nә dediyimi yaxşı bilirәm,
orada, idarәlәrdә hamı donosu, böhtanı, gizli sövdәlәşmәni
qiymәtlәndirir, arxada daldalananlar qorxudan şalvarlarını
doldurublar. Kasandulfların Raymundosu bir neçә gün
әvvәl, hәlә Loqronyoda olanda topçu Kamiloya demişdi:
– Bu qarışıqlıq qurtarandan sonra, görәrsәn, mirzәlәr
mütәşәkkil halda daldalanmış hüquqşünaslar, mәtbuat,

289