Page 228 - Sela

İLO XOSE SELA

bucaq әmәlә gәtirir, biri şimala (ya cәnuba), biri qәrbә, biri
şәrqә baxır, don Teodosio xәtlәrә, bucaqlara, xaçlara ayaq
basmamağa çalışır vә aydındı ki, hәmişә әyilә-әyilә ehtiyatla
yeriyir; Parroçanın yanına gedәndә don Teodosio birbaşa
mәtbәxә keçir.

– Visini olar?
– O, mәşğuldu, don Teodosio, mәncә, lәngiyәcәk, xeyli
vaxtdı Monte de Pyedadlı don Esekiellәdi, istәyirsinizsә,
Ferminitanı çağırım? Don Esekiel ağır tәrpәnişlidi.
– Yox, yox, sağ olun, gözlәsәm yaxşıdı.
– Özünüz bilәn mәslәhәtdi.
Qaudensio hәmişә olduğundan kәdәrli çalır; Qaudensio
hәrdәn qәmgin vә bir az qayğılı olur.
– Mәgәr adamlar ağıllarını itirmәyiblәr?
– Bilmirәm, hәr halda, buna yaxındılar.
Donya Xemma Vilyamarindә anadan olub, onun
valideynlәrinin “Espumosos Vilela” qazlı su vә “Lya
Sobreyrana” mineral su fabriklәri olub; bu fabriklәr özünü
yaxşıca doğruldurdu, o vaxta qәdәr ki, ailәnin böyüyü don
Antonio mal әtinin qatılaşdırılmış şirәsini – “Ekskavakon”u
hazırlamağa girişdi vә orada itlәrdәn, kәrtәnkәlәlәrdәn
istifadә olunduğu üçün sanitar nәzarәti fabriki bağladı,
nәticәdә ailә müflis oldu. Parroçanın fahişәxanasında don
Teodosio ilә çox iltifatla davranırlar.
– İstәyirsiniz, Marta Portuqaliyanı çağırım, canınızı
qızdırsın.
– Minnәtdaram, xanım! Çox lütfkarsınız.
– Nә söz ola bilәr, don Teodosio! Mәn yalnız dostlara
yarınmağa çalışıram.
Visi – Puebla de Trives bәlәdiyyәsinin Penapetada
şәhәrindәndi, ancaq әndәlüslü kimi danışır, elә dә yaxşı
danışmır, çalışır öyrәnsin. Parroçanın üç qiymәtli kolleksiyası
var – yelpiklәr, markalar vә qızıl pullar, bunları ona Lendan

228