Page 51 - Design_Gurcu_Antologiyasi_Layout 1

Cabua Amirecibi

dәnizçi ayağa durub dünәnkindәn daha betәr bağırmağa, rәqs
etmәyә başladı. Yenә sanitarlar gәlib nәhәng dәnizçinin әyninә
dәli köynәyi keçirdilәr vә yenә dә kürәn dәnizçinin balandayla
çörәk payını içәri ötürdü. Üçüncü gün dә eyni hadisә tәkrar
olundu, amma dördüncü gün artıq kürәni dә dәli köynәyiylә
“çarmıxa çәkdilәr”. Nәhayәt, sanitarlar başa düş dülәr ki,
dәnizçini qızışdıran kürәndir. Köynәk geyindirmәk olduqca
iztirablı prosesdir; kürәn birdәn gürcü dilindә söyüş söydü vә
söydüyü söyüşә bir “vay, ana” kәlmәsimi әlavә etdi, bәlkә dә,
әksinә “vay, ana” deyib sonra söyüş söydü, bunun elә bir
әhәmiyyәti yoxdur. Beşinci gün sәhәr tezdәn mәni komis-
siyaya apardılar vә tәbii ki, dәli olmadığım üzә çıxdı. Yatabdan
qalmaq üçün özümü dәliliyә vurduğumu danmadım. Hәr
halda, artıq bilirdim ki, kürәn gürcüdür vә xәstә deyil. Bu әclaf
neylәsә yaxşıdır: nahar vaxtı yorğanı başına çәkib susdu.
Bununla sübut etmәk istәyirdi ki, hәqiqәtәn dәlidir vә
dәnizçinin “Assa!” deyә qışqırıb oynamağının buna heç bir
dәxli yoxdur. Nә bilim, bәlkә, başqa fikri dә var idi... Hәr
halda, yemәyi yaxın qoymadı, uzanıb yorğana bürünmüşdü,
lakin sanitarlar kameranı tәrk edәn kimi yorğanın altından
qollarını çıxarıb әl çaldı vә dәrhal da yorğanı başına çәkdi.
Dәnizçi hәr gün etdiklәrini bu dәfә dә tәkrarladı. Sanitarlar
yenә onun әyninә dәli köynәyi keçirdilәr. Birazdan dәnizçinin
köynәyini çıxartdılar vә yalnız ondan sonra kürәn öz payını
yemәklә kifayәtlәndi.
Bir-iki gündәn sonra kamera boşaldı, cәmi dörd-beş nәfәr
qaldıq. Dәnizçini komissiyadan keçirmәyә apardılar vә tez dә
geri gәtirdilәr. Nahar paylananda kürәn hәmişәki kimi qollarını 51
yorğanın altından çıxarıb әl çaldı vә bir daha “Assa!” dedi.
Dәnizçi yavaşca ayağa qalxdı, yorğanın altındakı tәhrikçiyә
yaxınlaşıb: “Assaa, hә... sәnin ananı!” – onun üstünә şeşәlәndi.
Qıvraq hәrәkәtlә kürәni qucağına alıb kameranın divarına
çırpdı. O, kürәni döyә-döyә boş çarpayılardan birinin üstünә
atır, sonra qaldırıb başqa bir boş çarpayının üstünә fırladırdı.
Onları zorla araladım. Aralarına tәk mәn girdim. Bәzi dus-