Page 36 - Design_Gurcu_Antologiyasi_Layout 1

Görcö nÿsri antologiyası

şәhәr faşistlәrin әlinә keçdi. O gün şәhәrdә qan su yerinә
axırdı. Heç Austerlits vuruşmasında, Napoleonun rәqiblәrlә
toqquşmasında, Leypsiq vә Vaterloo döyüşlәrindә bu qәdәr
qan tökülmәmişdi. Köhnә müharibә mütәxәssislәri deyirdilәr
ki, axşam düşәndә döyüşçülәr meydanı tәrk elәyir; burada isә,
әksinә, qaranlıq düşәn kimi tank әleyhinә zenit qurğularının
gurultusu dünyanı başına götürürdü.
Bütün hәftәni tankın içindә oturduq. Qaranlıq düşәnә
yaxın, döyüş bir az sәngiyәn kimi, vaxt tapıb gәzişirdik. Yu -
xuya getmәmәk üçün gözümüzü aldadıb, yenidәn düşmәnә
qarşı hücuma keçirdik.
Tank çox qeyri-adi kәşfdir. Tankın içindә oturanda
fikirlәşirdim ki, әgәr Qaxidә belә bir tank olsaydı, iranlılara
vә türklәrә meydan oxuyardıq. İrәlidәki tankda oturmuşdum.
Alayımız şәhәrin dar küçәlәri ilә atәş yağdıra-yağdıra özünә
yol açırdı. Evlәrin damlarında gizlәnmiş düşmәn bizi atәşә tu-
turdu. Axır ki, faşistlәri şәhәrdәn qovub çıxardıq.
Axşam düşdü. Yuxusuz vә yorğun idik, üstәlik, acından
ölürdük. Dağılmış beşmәrtәbәli evin hәyәtindә dayanmış
gözәtçilәri qaranlıqda güclә sezdim.
Tankla hәyәtә girdik. Yerә çoxlu kitablar, mәktәb
lövhәlәri, partalar vә uşaq dәftәrlәri tökülmüşdü. Qar yağır,
külәk әsirdi. Projektorların güclü işığı buludları yarıb keçir,
sәmanı nurlandırırdı. Әtrafı sükut sarmışdı. Bu, meşәdә göy
gurultusundan sonra yaranan sükutu xatırladırdı. Hәyәtdәki
tonqalın әtrafında oturmuş әsgәrlәrin siluetlәri görünürdü.
Onlar şam yemәyi yeyir, tütün çәkir, astadan söhbәt elәyirdilәr.
36 Bir tәrәfdә isә tanklar sırayla düzülmüşdü.
Tankdan enmәyә macal tapmadıq. Dәrhal әsgәrlәr bizә
çörәk vә araq gәtirdilәr. Mexanikimiz cibindәn pendir dә
çıxardı. Deyib-güldük, papiros tüstülәtdik, döyüşüb borcunu
yerinә yetirmiş adamlar kimi dincәlmәyә başladıq.
Tankımın yaxınlığındakı zirzәmi xarabalığa çevrilmişdi.
Küncdәki ocağın әtrafında üç әsgәr oturmuşdu. Biri yerә
dirsәklәnib mürgülәyirdi. O biri әsgәrin dәbilqәsinin üzәrinә
başlıq sarınmışdı. Sarığın ucu xoruz quyruğunun lәlәyi kim