Page 266 - Design_Gurcu_Antologiyasi_Layout 1

Görcö nÿsri antologiyası

Әllәrini paltosunun ciblәrinә qoyub gedir... Hәr şeyә
uyğunlaşdırılmış beynindәn hansı fikirlәr keçdiyini bilirәm: o,
bu dәqiqә hәm tabutdakı ölü, hәm dә ölü yiyәsidir... Hәm dә
onların tezliklә rәhmәtә gedәni yuxuda görmüş kimi,
xatırlayacaqlarını da fikirlәşir...
Of! Bu insanlar... Cüt-cüt, ya da tәk-tәk addımlayanlar...
Elә bil onlar tәrәfindәn talan edilmiş gәmi – yelkәni dolaşmış,
doru laxlamış gәmiyәm. Dәniz mәni silkәlәyib taxtalarımı
dağıdır; kompas әqrәbinin bir-birinә qaynaq edilmiş iki ucu
da dәnizaltı istiqamәti göstәrir. Yәqin, tezliklә batacaq,
özümlә dәnizin altına dalğaların mәnә bәxşişi – balıqqulağının
incilәrini dә götürәcәyәm...

***
Hisslәrim edam kötüyünün üstündә bir-birinin başını
kәsirdilәr, balta isә, fikrimcә, iradәm idi...
Küçәnin o biri tәrәfindә, buz bağlamış pәncәrәnin altında
bir quş çırpındı, üzümә baxıb qanadlarını yellәdi, qәfildәn öz-
özümü inandırdım ki, mәnә dә kiminsә ehtiyacı var, mәni dә
kimsә gözlәyir...
“Tez, tez... Gecikirәm...”
Güzgünün qabağına cumub saçlarımı daradım, üz-
gözümә әnlik-kirşan çәkdim.
“Nәyә oxşayıram... Dırnaqlarıma bax... Tez, tez, gecikәcә -
yәm, mәni gözlәyir...”
Vaxt itirmәdәn küçәyә qaçır, beynimdә min cür plan qu-
ruram. “Onunla necә görüşüm... aman Allah, birdәn çıxıb
266 gedәr”...
Manikür salonunda növbәdir... Növbәm çatır.
– Bu gün çox gözәl görünmәliyәm, – manikürçü qadına
deyirәm.
– Sevgilinizin yanında, ya müәyyәn bir tәdbirdә?
Gülümsәyirәm. Yalan demirәm ki... mәni, doğrudan da,
gözlәyir, kaş gecikmәyim...
Stulda otururam. Saata baxıram: “Birdәn çıxıb gedәr!”