Page 167 - Design_Gurcu_Antologiyasi_Layout 1

Naira Gelaøvili

– Bәli, antenna xarab olub, – dedi vә göy rәngli kabel
xәttinin uzandığı şüşәbәndә keçdi. Burada divara bәrkidilmiş
kabel çarpayının baş tәrәfindә gözdәn itirdi.
– Olarmı? – kişi soruşdu vә ev yiyәsinin sәssiz razılığını
alıb çarpayını çәkdi vә üstünә uzanıb altına baxdı.
Kabel bir yerindәn qopub aralanmışdı. Kişi әlini uzadıb
kabeli çarpayının üstünә qaldırdı. Ayağa qalxıb üzü pәncәrәyә
sarı durdu vә qalın, tozlu izolyasiya lentini açdı, kabel
şnurlarını cib bıçağıyla tәmizlәyәrәk yenidәn bir-birinә
bağlayıb tәzә lentlә doladı. Başıaşağı işlәsә dә, qadının nü-
fuzedici, qәmli baxışını üstündә hiss edirdi. Qadın әlini üzünә
söykәyib kresloda oturmuşdu. Kişi yenә uzanıb tәzә bağladığı
kabeli çarpayının altına atdı, әliylә düzәltdi vә ayağa qalxıb
çarpayını yerinә çәkdi. Rәngi bir az qızarmışdı. Bir müddәt
durub gözlәrini çarpayının üzәrindә ağır bәdәninın çökәltdiyi
izә zillәdi; sonra әl gәzdirib mavi örtüyü düzәltdi. Otağa keçib
ekrana baxdı. Televizor göstәrmirdi. Çarpayının altından
şüşәbәndin küncünә, ordan da divar boyu uzanan kabel kres-
lonun altında gözdәn itirdi. Gülümsәyәrәk çiyinlәrini çәkdi –
başqa çarә yox idi. Qadın dinmәzcә kreslodan qalxıb çarpayıda
oturdu. Kişi ağır kreslonu asanlıqla qaldırdı, kabelә baxdı vә
kreslonu yerinә qaytardı. Bundan sonra göy rәngli kabel
kamodun altından keçirdi. Çantasından cib fәnәri götürüb
yandırdı, üzr istәyәrәk burnunun altında nәsә deyib döşәmәyә
uzandı vә kamodun altına işıq saldı. Kabelin qırıq yeri yox idi.
Lakin sağ әlini salıb kamodun altından nәsә tapıb çıxartdı.
Ayağa qalxdı, tapdığı әşyanı diqqәtlә nәzәrdәn keçirdi,
әynindәki göy rәngli köynәyә silib kәhrәba qaşlı üzüyü ev 167
yiyәsinә uzatdı.
– O! – qadın ayağa qalxdı. Elә bilirdim itib, nә qәdәr axtar -
mışam. Atamın hәdiyyәsidir! – Hәyәcanla üzüyü sağ әlinin
adsız barmağına taxdı.
Sәsi elә kәdәrli idi ki, kişinin ona yazığı gәldi. Kabelin
qırığını axtarmağa davam etdi vә ensiz, uzun mәtbәxә daxil
oldu. Kişinin arxasınca yeriyәn qadın, sanki öz evindә qonaq
idi vә hansı otağın harada olduğunu bilmirdi.