Page 166 - Design_Gurcu_Antologiyasi_Layout 1

Görcö nÿsri antologiyası

bağçaya mәxsus, uşaqların kirli önlüklәrinin tәr vә göz yaşları
qarışıq qoxusu vardı.
Bu cür xatirәlәr içindә gәnc kişi pillәkәnlәri qalxaraq
şirintәhәr qoxu gәlәn yerә yaxınlaşırdı. Demәk lazımdır ki, as-
sosiasiyalar qanununun sirli gücü sayәsindә, eyni zamanda
ağlına başqa şeylәr dә gәldi: arvadının qarnının tәn ortasındakı
göbәyi, qayınanasının (yeri gәlmişkәn, hәmin uşaq bağçasının
müdirinin) әtli çәnәsindәki ziyil, bir dә kәndlәrindә yaşayan
dәli. Kәndlәrindәki dәli әynini soyunaraq (demәk olar ki, lüt-
üryan bir halda) әlindәki nağaranı taqqıldada-taqqıldada
gözlәnilmәdәn döngәlәrdә qarşılarına çıxıb gәnc qızların vә
oğlanların bağrını yarırdı. Beşinci mәrtәbәdә, azacıq aralı
qalmış qapının yanında kişi dayandı.
Qapıda ad yazılmamışdı, ancaq mürәbbәnin iyi dәqiq bu-
radan gәlirdi. Tab gәtirә bilmәyib zәngin düymәsini basdı.
Qapıya içәridәn necә yaxınlaşdıqlarını eşitmәdi. Qapı yavaşca
açıldı vә zahirәn onunla hәmyaşıd bir qadın sәssiz sualla üzünә
baxdı.
Kişi belә bir soyadlı adamın burada yaşayıb-yaşamadığını
soruşdu.
Qadın dinmәyib başını tәrpәtdi... Yәni hә.
– Usta çağıran siz idinizmi?
Qadın bir an düşünüb yenә dә başı ilә “hә” dedi.
“Laldırmı yoxsa?” – kişi düşündü vә özünü itirib ayaq -
larını qapının ağzına sәrilmiş quru әsgiyә sildi.
Ev yiyәsi yenә dә dinmәz durub kәdәrli baxışla ustanın
ayaqlarının hәrәkәtinә vә әsgidәn qalxan toza baxdı. Kişi
özünü daha çox itirdi, lakin qadın dәrindәn nәfәs alıb qapının
166
ağzından çәkildi. Dinmәdәn qonağı içәri apardı. Otağın işığını
yandırıb әliylә bir küncә söykәdilmiş televizoru göstәrdi.
– İşlәmir. Antennası xarabdır, – laqeydliklә dedi. Görü -
nürdü ki, televizorla heç maraqlanmır. Zorla çıxan sәsi titrәk
vә kәdәrli sәslәnirdi.
Kişi çiynindәki çantanı yerә qoyub televizoru qurdu.
Ekran işıqlandı, lakin göstәrmәdi. Televizoru arxa tәrәfdәn
yoxladı.