Page 115 - Design_Gurcu_Antologiyasi_Layout 1

Quram Pancikidze

da mәsәlәdәn hali olacaq!” – Condo ehtiyatla üzüm bağına
tәrәf burulub yoluna davam etdi.
“Georgi әminin üzüm bağıdır, o hәmişә üzüm bağını
erkәn dәrmanlayır”.
“Yәqin, indi qoca evin on addımlığındadır. On addımdan
sonra nә baş verәcәk?”
“Kelebşi baba indi, güman ki, pillәkәnlәrlә qalxır...” –
birdәn-birә Condo yerindәcә donub-qaldı, irәli addım ata
bilmәdi.
“Bәs qocanın başına iş gәlsә, halı pislәşsә?”
“Başına nә iş gәlә bilәr? Qorxma, heç nә olmaz!”
“Halı pislәşә bilәr?!”
Condo ümidsizliklә tәnәklәrin arasında oturub, gözlәrini
yumdu. Hәr an qocanın fәryad qoparacağını gözlәyirdi.
Qışqırıq sәsi gәlmirdi.
“Kelebşi baba altmış addımı belә tez gedә bilmәzdi. Bir
az gözlәmәk lazımdır. Burada qocanın sәsini rahat eşidә
bilәrәm”.
“Ola bilsin ki, heç evә dә girmәyib vә toyuqları yem -
lәyir”.
Condo әtrafa göz gәzdirmәyә başladı.
Dağların әtrafında dolaşan boz buludlar dağılır, gah da bir
yerә yığılırdı, amma Condo daha buludları, hәmişә olduğu
kimi, qayanın başında daşa dönmüş dağ keçisinә bәnzәtmirdi.
Kim bilir, bәlkә, Kelebşi baba qışqırır, sadәcә sәsi gәlib
çatmır.
Kim bilir, Kelebşi baba indi necәdir.
Şalvarının yırtığından bәdәninә qarışqalar daraşdı, amma
buna mәhәl qoymadı. 115
Ürәyindә qocanın hәyәtinә baxmaq istәyi baş qaldırdı.
Görәsәn, orada nә baş verir? Tüfәngi moruq kolluğunun içindә
gizlәdib, yoxuşu qaça-qaça çıxdı.
Qocanın evinә yaxınlaşanda, addımlarını yavaşıtdı. Cәld
hasarı aşdı, hәyәtә baxan kimi onu gördü.
Kelebşi baba ceviz ağacının kölgәsindә yerә sәrilmiş
xalçanın üstündә rahatca yatmışdı. Meh çal saçlarını oyna -
dırdı. Kәndirdәn açılmış buzov qocanın önlüyünü çeynәyirdi.