Page 114 - Design_Gurcu_Antologiyasi_Layout 1

Görcö nÿsri antologiyası

“Vaxtdır”, – Condo düşündü. “Bәlkә, nә qәdәr ki gec
deyil, qayıdıb gedim?”
Condo bu fikirdәn daşınıb, otağa doğru yönәldi.
Açıq pәncәrәdәn içәri hoppananda şalvarı mismara ilişib
cırıldı. Condo buna heç fikir dә vermәdi. Divardan patrondaşı
vә tüfәngi götürdü. Pәncәrәdәn çıxmaq istәyәndә arabanın
cırıltısını eşitdi.
– Ho, hoo! – Evtixi Darçianini sәsindәn tanıdı. Qorxuya
düşmüş Condo divara qısıldı.
“Kelebşi baba gәlib mәni burada görsә, işim bitdi. Buradan
lәnәtә gәlmiş taxıl anbarı da görünmür”.
Araba yavaş-yavaş pәncәrәnin qarşısından keçib, çәpәr -
lәrin arasında gözdәn itdi. Condo ehtiyatla başını pәncәrәdәn
çıxarıb, hәyәti gözdәn keçirdi. Qoca heç yerdә görünmürdü.
Tez pәncәrәdәn hoppandı. Hasara doğru qaçıb qarğıdalı
sahәsindә gizlәndi.
Qaçan Condo arxada taxıl anbarının qapısının cırıltısını
eşidirdi.
“Taxıl anbarından evә qәdәr altmış addım olar,” – Cond o
düşündü. O, var gücü ilә qaçır, addımbaşı qarğıdalı şaxlarına
ilişir, onları tapdalayırdı. Yıxılan qarğıdalı saplaqları elә
xışıldayırdı, sanki kimsә onu tutmaq üçün arxasınca qaçırdı.
“Kelebşi baba öz otağına gedib çıxana kimi mәn uzaqda
olacağam. Kim bilir, bәlkә, axşama kimi heç öz otağına
girmәyәcәk. Qırx addımdan sonra Kelebşi baba hәr şeyi
bilәcәk. Tüfәngi yerindә görmәyәndә, görәsәn, neylәyәcәk?
Sabah alatorandan dağa gedәcәyәm. Bәlkә, qoca sabah sәhәrә
qәdәr tüfәnginin oğurlandığından xәbәr tutmayacaq? Dağ
114
keçisini öldürsәm, kim bilir...”
“Evә qәdәr, güman ki, әllicә addım qalıb”.
“Buradan keçmәk qorxuludur. Çoban oğlanlar mәni
görmәsin, yoxsa mәhv olaram”.
“Qoca tüfәngi öz uşağından çox sevir. O, iyirmi addımdan
sonra tüfәngin yoxa çıxdığını bilәcәk?”
“Bu tәrәfdәn getmәk olmaz, dәyirmana gedәn qadınlar
mәni görә bilәr. Üzüm bağına keçsәm yaxşıdır. Birazdan atam