Page 113 - Design_Gurcu_Antologiyasi_Layout 1

Quram Pancikidze

Birdәn-birә Cokiyanın öldürdüyü dağ keçisinin qara,
qәmli gözlәri yadına düşdü, ona yazığı gәldi.
“Keçәn il Cansuğun әmisi ölәndә, onun da belә qәmli
gözlәri vardı. Güman ki, dağ keçisi insan kimi ağıllıdır. İt
ondan ağıllı ola bilmәz!”
Qoca kiçik şüşә qabdan әsgiyә yağ süzüb, lülәni sәylә
sürt mәyә başladı.
“Tüfәngi mәn dә ürәkdәn tәmizlәyәrdim, özü dә hәr sәhәr.
Gәrәk sabah kәnddәn elә çıxım ki, mәni görәn olmasın. Sonra
üzüm bağlarına keçәrәm, belә yaxşıdır”...
Qara bürünmüş zirvәlәr mavi sәmanın fonunda bәrq vu-
rurdu. Condo sәmanın rәngini çox sevir. Sәmanın әn yaxşı
rәngi Qafqaz dağlarının başındadır.
“Dağ keçisi dә aydın sәmanı sevir. Ona görә Qafqaz
dağlarında yaşayır. Dağ keçisi Tiflisdә necә yaşaya bilәr?
Yәqin ki, Temurun keçisi dişidir, özü dә qocadır; yalandan and
içib uşaqların başını piylәyir. Payız bülbülünü arıquşundan
ayıra bilmir. Keçәn il öldürülmüş porsuğu ona göstәrәndә, elә
bildi donuzdur. Porsuğu donuzdan seçә bilmir. And içib fil vә
şir gördüyünü deyir. Doğrudan da, fil vә şir görübsә, porsuğu
donuzdan niyә ayıra bilmir?”

***
Qoca tüfәngi tәmizlәmәyi başa çatdırıb yavaş-yavaş
alәtlәrini yığışdırmağa başladı. Tüfәngi çiynindәn asıb, evә
doğru yönәldi.
Birdәn-birә Condonu әsmәcә tutdu. Sonra qәfildәn bәdәni
istilәndi, alnına soyuq tәr gәldi. 113
“Otaqda qalsa neylәyәcәyәm? Buradan pәncәrәyә qәdәr
әlli addım da olmaz. Qoca indi mәni üzüm bağında gözlәyir”.
Condo otaqda vurnuxan qocanı aydınca görürdü. O tü -
f әn gi divardan asıb, sandığın qapağını qaldırdı. Tezliklә san -
dığın qapağını örtdü, gözucu tüfәngi nәzәrdәn keçirib, otaqdan
çıxdı. Birazdan pillәkәnlәrlә enib, taxıl anbarına doğru yö -
nәldi.