Page 7 - Ferdinand de Sössür_Layout 1

Ümumi dilçilik kursu

kursla (soruşula bilәr, hansı kursla?) kifayәtlәnmәk isә kitabın
digәr iki kursa sәpәlәnmiş mәziyyәtlәrdәn mәhrum edilmәsi
demәk olardı. Müәyyәn qәdәr mükәmmәl olan üçüncü kurs
belә, öz-özlüyündә de Sössürün nәzәriyyә vә metodları barәdә
tam tәsәvvür yarada bilmәzdi.
Bizә mәslәhәt gördülәr ki, öz mәzmununa görә bu vә ya
digәr dәrәcәdә orijinal olan bir sıra parçaları de Sössürdәn
sonra qaldığı kimi nәşr edәk; әvvәlcә hәmin ideya xoşumuza
gәldi, lakin dәrhal aydın oldu ki, bu halda müәllimimizin
konsepsiyası tәhrif olunardı: binanın hәqiqi dәyәri onun
bütövlüyündәdir, әtrafa sәpәlәnmiş materiallar yığınında
deyil.
Odur ki, daha cәsarәtli, eyni zamanda, görünür, daha
ağıllı mövqedә dayandıq: de Sössürün şәxsi qeydlәri dә daxil
olmaqla, әlimizdә olan bütün materiallardan istifadә edәrәk
üçüncü kurs әsasında әsәri sintez, yenidәnqurma etmәyi
qәrara aldıq. Bu, son dәrәcә çәtin iş idi, tamamilә obyektiv
bir bәrpa prosesindәn söhbәt gedirdi: hәr bәnd üzrә hәr fikrin
özülünә enib, ümumiyyәtlә, bütöv sistemi әsas götürәrәk fikri
bitkin formasında görmәyә çalışmaq, onu şifahi şәrh üçün
sәciyyәvi olan müxtәlif ifadә formalarından tәmizlәmәk, sonra
isә özünәmәxsus yerini tapmaqla yanaşı, hәr bir tәrkib his -
sәsini müәllifin mәqsәdinә uyğun şәkildә (hәmin mәqsәdi isә
әldә etmәkdәn daha çox, düşünüb tapmalıydın) ardıcıllıqla
tәqdim etmәk lazım gәlirdi.
Ayrı-ayrı versiyaların birlәşdirilmәsi ilә bütövün rekons -
truksiyası nәticәsindә yaranmış kitabı elmi dairәlәrin vә
dilçiliyә maraq göstәrәnlәrin mühakimәsinә o qәdәr dә ürәklә,
cәsarәtlә tәqdim etmirik.
Əsas mәqsәdimiz elә bir üzvi bütövlük yaratmaq idi ki, heç
nәdәn asılı olmayan mükәmmәl tamlıq tәsәvvürü әldә
olunmasına kömәk etsin. Lakin mәhz buna görә biz iki tәrәfdәn 7
tәnqidә mәruz qalacağımızı tәxmin edirik: