Page 8 - Danilenko

Tarnovskilər malikanəsindəki
kölgələr

(roman)

1

Kәnd yolunda çuxura düşәn karet bәrkdәn cırıldadı,
arabaçı qışqırdı, atlar kişnәdi vә elә bu vaxt Roman
Beyin mobil telefonu zәng çaldı. Qara plaş geymiş Beyin
dolğun bәdәni yaylı karetdә ağır-ağır yırğalandı.
– Sәhәr tezdәn yox, – Bey dәstәyi qulağına tutub dedi. –
Sabah saat on ikidәn sonra.
Karetin arxasınca bir yanı әyilmiş tarantas, onun ardınca
isә musiqiçilәri aparan araba gәlirdi. Kәndin tozlu yoluyla
irәlilәyәn araba karvanı qәribә tәsir bağışlayırdı. İki kәndli
qadın yolun kәnarında dayanıb, onların arxasınca baxırdı.
– Bu nәdir? – әynindә qırmızı plaş olan ucaboy qadının
üzündә tәәccüb ifadәsi vardı.
– Kino çәkirlәr, nәdir? – tum çırtlayan o biri qadın da öz
növbәsindә soruşdu.
– Bәlkә, kiminsә toyudur?..
Kәndin çıxacağında qara “Rolls-Royce” vә ağ avtobus
dayanmışdı. Karet onların yanına çatıb dayandı, tarantasın vә
arabanın gәlib çıxmasını gözlәdilәr. Yalnız bundan sonra Bey
karetdәn düşdü; karet onun ağırlığı altında yırğalandı. Bey
әlini uzadıb, Alla Raçkovskaya-Şvaqulyakanın da enmәsinә
kömәk elәdi vә ucadan sәslәndi:
– Musiqiçilәr vә aktyorlar avtobusa minsin.
O, arabaçının pulunu verdi. Adamlar hay-küylә arabadan
8 yerә tökülüşdü.
– Kiyevә gedirik, – Bey burnunun altında mızıldandı.
İri tәkәrlәri, uzun kapotu olan “Rolls-Royce” çox zәhmli
görünürdü. “Rolls-Royce”, arxasınca da avtobus, kәnarlarında
qurumuş, toz basmış alaq otları bitәn, kәlә-kötür kәndarası
yolla irәlilәmәyә başladılar. Karet, tarantas vә araba isә geri
döndülәr.