Page 218 - "Yeni söz"

nc yazarların ədəbiyyat almanaxı

15.
Yozumların həddi. Proyeksiyalar
ovlanıb və geriyə döndərilib. Susma simvolik
mübadilənin bir qismidirmi?
Otuz yaşdan öncə, ya sonra
ölən Günəş tanrıları. Müdrikliyə
məhkum atalar və
müdriklikə təcrübə arasında
boşluğa məhkum atalar.
Birincilər də, ikincilər də –
öz müqəddəsliklərinin əsiri.
“Bacım mənim – kilidlənmiş bağça”,
sonsuz biliklə şirələnir
sənin topuqların, pəncələrin, biləklərin
ana tələsindən, dirçəlişdən kənar
çevrə əriyərkən tərləmiş pəncərə şüşəsində.

17.
Baxmaq və demək, yoxsa
görmək, amma bircə söz belə söyləyə bilməmək?
Nə hə, nə yox?! Nida.
...............................................................................
“Bu, heç nə anlamayan vaxt öz üzündəki ifadəni
kənardan görmək kimidir”, – dedi o,
mərkəz barədə, mərkəzin adları barəsində düşünərək.
...............................................................................
[Çörək dalınca çıxmağı xahiş etdilər, göyərti də almaq lazımdır,
sonra otaqda masanın yerini dəyişmək... Bu yolla
mətnə nə sızır?]
...............................................................................
“Amma mən on beşinci daşa inanıram”, – əlavə etdi o.
…If you say so – məna həmişə veriləcək...
Qrammatika + etika = ədəbiyyat

218