Page 203 - Patriarxın payızı

PATRİARXIN PAYIZI

diviziya generalı tәyin edildi. “Onu xaç suyuna salın,
müqәddәs ata!”
Bu qәribә hadisә qәdәmini qoyan yеni dövrün mü -
qәddimәsinә çevrildi, dәhşәtli, ağır illәrin başlanğıcı
oldu. O dövrlәr camaatın yadında hәlә sәhәrin gözü
açılmamışdan küçәlәrin xüsusi kardonlarla dövrәyә
alınmasıyla qalmışdı… ordu bazar alverçilәrini tüfәng -
lәrin qun da ğıyla o baş-bu başa qova-qova hay-küy salıb
camaatın gözünün odunu alırdılar ki, hamı pәncәrәlәrini
kip bağlasın, heç kim küçәlәrdәn güllә kimi ötәn,
qapılarının dәstәyi qızıldan olan limuzini görmәsin.
Damlarda, bacalarda, hansısa tәsadüf üzündәn gizlәnib
oğrun-oğrun aşağı boylanmаğа fürsәt tapanlarsa
küçәlәrdәn yel kimi vıyıldayan dövlәt mаşınını – prezi-
dentin şәxsi limuzinini, maşının içindә – başında
kәnarları güllü fetr şlyapa, boğazında bir düjün tülkü
dәrisi ilә оturаn balacaboy rahibәni görürdülәr…
Görmәmişin oğlu oldu, günorta çıraq yandırdı!
Biz hәr çәrşәnbә sәhәr tezdәn bazarın girәcәyindә
maşından düşüb, balaca generalın әlindәn tutaraq, bir
dәstә әsgәrin müşayiәti ilә bazara girәn Letisiyanı
görürdük; o zaman uşağın üç yaşı ancaq olardı, hәm dә
uşaq o qәdәr arıq vә çәlimsiz idi ki, oğlandan çox, qızılı
saplarla işlәnmiş hәrbi mundirli qıza oxşayırdı. Mundir
uşağın әyninә elә kip otururdu, elә bil elә mundirdә
doğulmuşdu; bu mundiri о, diş yeri tәzә-tәzә yarılandan
bәri – Letisiya onu arabada, atasını tәmsil etdiyi rәsmi
mәrasimlәrә gәtirәn vахtlаrdаn, anasının qucağında
otura-otura öz ordusuna tamaşa elәmәyә başlayandan
geyirdi; bu forma hәndbol oyunlarının sonunda camaatın
gәnc generalın şәrәfinә alqışları altında, anasının әllәri
üstә göylәrә qaldırıldığı vaxtlardan onun әynindә idi; bu
formada o, milli bayram münasibәtilә keçirilәn paradda
üstüaçıq avtomobildә oturub anasının döşünü әmirdi. 203
Letisiya süddәn şişmiş döşünә buzov kimi tәpilәn körpә
generalı çoxmәnalı baxışlarla süzәrәk bir-birinә göz