Page 81 - dailan

Dailan Kifki

yaşıllıqlar, balaca evlәr vә hәşәratların hamısı peyda
olur vә sanki deyirlәr:

– Burdayıq. Gizlәnpaç oynayırdıq.
Tәsәvvür edin, hamımız necә tәәccüblәndik. Xalam
Klodomira huşunu itirdi, bu dәfә hәdәfi düzgün nişan
almışdı, çünki birbaş Komissarın qollarına yıxıldı.
İtuzainqodan elә dә uzaqda olmayan bir yerdә bir
dәqiqә әvvәl boş olan bir әrazinin qәfildәn meşәyә
çevrilmәsi ilә adam hәr gün rastlaşmaz.
Heç kim inana bilmirdi. Hamının gözlәri bәrәlmiş,
ağızları açıq qalmışdı.
Dailan Kifkinin sevinci isә yerә-göyә sığmırdı.
Aşağı әyilib başındakı vә belindәki adamları yerә
düşürdü vә bu ağır yükdәn azad olan kimi qaçaraq
özünü Qulubu meşәsinә verdi. Әlbәttә ki, banan,
armud, ya da yulaf tapacağına ümid edirdi.
Hәlә dә әlimi buraxmayan cәnab cırtdanla birlikdә
meşәyә girdik. Mәnә danışdı ki, gedәndә özü meşәni
aşağı endirib gizlәdir ki, heç kim gәlib onu korlamasın.
Mәn dә ona dedim ki, düz edir, çünki belә gözәl
meşәni qorumaq lazımdır. Sizә demәliyәm ki, Qulubu
meşәsi sıradan bir meşә, yaxud Babanın dediyi kimi,
mәnasız bir meşә deyildi.
Әsla. Olduqca iri bir meşә idi. Lap o nağıllarda
olan meşәlәrdәn. Burdakı ağaclarda müdrik quşlar
oturub vә bunlar nağıllardakı kimi rәsmlәr deyil, hәqiqi
quşlardır. Çayda qurbağalar üstü xallı çimәrlik
paltarında üzmәyi öyrәnirlәr. Dailan Kifki çayı görәn
kimi tәlәsik xortumunu suya saldı vә o qәdәr içdi ki,
axırda cәnab Karoso onu çaydan uzaqlaşdırmalı oldu,
yoxsa qurudacaqdı. Meşәdә tәnbәki çәkәn quru
qurbağaları, altında soyuducu vә televizor olan iri
göbәlәklәr var idi. Dovşanlar velosipedlә gәzirdilәr.
Mәnim diqqәtimi әn çox cәlb edәn isә bülbül vә qәfәs

81