Page 64 - dailan

iya Elena Valş

18
Mәn balaca budaqla yulaf şorbasını qarışdırırdım.
Qardaşım Roberto aradabir barmağını şlyapanın
içinә salıb şorbanın dadına baxırdı.
Südlü yulaf şorbasının dadlı qoxusu vә qızarmış
şlyapanın әtri bir-birinә qarışıb havaya qalxmağa
başladı.
Yayılan qoxu o qәdәr gözәl idi ki, başımıza bir xeyli
adam toplaşdı. Xalam Klodomira da onların arasında
idi. Hamı şorbanın dadına baxmaq istәyirdi.
Elә bәrkdәn iylәyir, o qәdәr dәrindәn nәfәs
alırdılar ki, onları qovmalı olduq.
– Gedin, gedin, uzaqlaşın buradan, Dailan Kifki
üçün qoxu qalmayacaq, – onlara dedik.
Getmәk istәmәdiklәrindәn Komissardan yardım
istәmәli oldum. O da fıştırığı, әsası vә ağ әlcәklәrinin
kömәyi ilә onları uzaqlaşdırıb çәpәrin qarşısında sıraya
düzә bildi.
Mәn dayanmadan şorbanı qarışdırır, aradabir
başımı qaldırıb göyә baxırdım.
Dailan Kifki ilә Yanğınsöndürәn hәlә dә göydә dövrә
vururdular. Lakin çox keçmәmiş, şorbanın qoxusu bir
az da artdı, hiss elәdim ki, Dailan Kifki aşağı baxır
vә daha yaxşı iylәyә bilmәk üçün xortumunu uzadır.
– Hamı çәrpәlәngini hazır saxlasın! – Baba göstәriş
verdi.
Hamı çәrpәlәngini göydә uçanlara tәrәf
yaxınlaşdırdı.
Qardaşım Roberto alovu üflәyir, his vә tüstü dә
üz-gözünә vururdu.
Mәn şorbanı daha hәvәslә qarışdırır vә buxarını
havaya üflәyirdim.
Doğrudan da, yaxşı fikir imiş: Dailan Kifki dözә
bilmәdi. Dayandığımız tәpәnin üstü ilә alçaqdan
uçmağa başladı.
Nәhayәt ki, yerdәkilәr onun qanadlarını bir neçә
çәrpәlәngә dolaşdıra bildilәr.

64