Page 6 - book-online

ìÿä Àüàîüëó

hәyatında önәmli mövqe tutan Əhmәd Ağaoğlunun
(1869-1939) ailәsindә dünyaya göz açmışdı. Qafqazda –
Bakıda doğulmuşdu. Bir neçә aylıq körpә ikәn vәtәnindә
tәqiblәrә mәruz qalan atasının Osmanlıya mühacirәti
sәbәbindәn İstanbula aparılmış, sonrakı hәyatı Türkiyә
ilә bağlı olmuşdu.

İçәrisindә böyüdüyü mühitin tәsiri altında әdәbiyyata
böyük maraq göstәrsә dә, atasının istәk vә tәlqinlәri ilә
Ankara Hüquq Mәktәbindә ixtisas qazanmağı daha
üstün tutmuşdu. Magistr dәrәcәsi almaq üçün Strasburq
Universitetinә daxil olsa da, tәhsilini tamamlaya
bilmәmişdi. Əvәzindә bәdii yaradıcılıq debütü olan
“Strasburq hekayәlәri” ilә geri dönmüşdü.

Ədәbiyyatla mәmurluğu bir müddәt yanaşı sürdürәn
Sәmәd Ağaoğlu 1946-cı ildә hәyatını kәskin dәyişdirmişdi –
dövlәt xidmәtindәn uzaqlaşıb, özünü tamamilә siyasi
fәaliyyәtә hәsr etmişdi. Demokrat Partiyasının qurucuları
sırasında yer almışdı. 1950-ci ildә tәmsilçisi olduğu bu
siyasi qüvvәnin iqtidara gәlmәsi nәticәsindә Adnan
Menderesin rәhbәrlik etdiyi hökumәt kabinәsindә Baş
nazir müavini (1950-1952), sәnaye naziri (1952-1954),
ticarәt naziri (1954-1958) kimi mühüm vәzifәlәr tutmuşdu.
1950, 1954 vә 1957-ci illәrdә üç dәfә Manisa vilayәtindәn
Türkiyә Böyük Millәt Mәclisinә vәkil seçilmişdi.

1960-cı il 27 may hәrbi çevrilişi nәticәsindә Menderes
hökumәti devrildi. Hәbs olunanlar arasında Sәmәd
Ağaoğlu da var idi. Dörd ay sonra, sentyabrın 14-dә
başlanan mәhkәmә, Baş nazir Adnan Menderesi, xarici
işlәr naziri Fatin Rüşdü Zorlunu vә maliyyә naziri Hәsәn
Polatkanı dar ağacından asılmaqla edam cәzasına mәhkum
etdi. Əvvәlcә haqqında ölüm hökmü istәnәn Sәmәd
Ağaoğlu, sonda ömürlük hәbsә mәhkum edildi.

6