Page 273 - "Azərbaycan ədəbiyyatı antologiyası" (Poeziya)

aracaqsan Tofiq Bayram

Hәlә qulağına çatmır harayım, 273
Bir vaxt mәni gülüm, axtaracaqsan.
Görsәn viran olub könül sarayım,
Uçulub özülüm, axtaracaqsan.

Dağ yarar sel selә qarışmaq üçün,
Qәm dilә hökm edәr danışmaq üçün,
Mәnimlә görüşüb barışmaq üçün,
Ay mәndәn küsülüm, axtaracaqsan.

Yandırdı ay üzlü mәlәklәr mәni,
Aldatdı qurduğun kәlәklәr mәni.
Silib sovuracaq külәklәr mәni,
Qalmayacaq gülüm, axtaracaqsan.

Daş olub yoluna düzülәcәyәm,
Yaş olub gözündәn süzülәcәyәm,
Sәnә yanıq verib tez ölәcәyәm,
Mәni zülüm-zülüm axtaracaqsan.

Qәmin yox olacaq bir gün dәmindәn,
Yelkәnin qopacaq tale gәmindәn.
Ürәyin deyәcәk öz hәmdәmindәn
Qoymaram üzülüm, axtaracaqsan.

Yüz nalә çәkirәm bir simin üstә,
Çәkmә qılıncını sәbrimin üstә,
Elә ki ot bitdi qәbrimin üstә,
Rahlandı mәnzilim, axtaracaqsan.

Yar da axtarmasa mәni yar kimi,
İtmәrәm әlindәn uçan şar kimi,
Mәni oğul kimi, sәnәtkar kimi,
Ay mәnim öz elim, axtaracaqsan!