Page 146 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

* * *
Bir dәli şeytan deyir,
get bir dostun üstünә,
bir azca pul borc elә.
Bir dәstә çalğıçı tut.
Bu qәmә, bu dәrdә düçar
bir-iki hal әhlini dә yığ başına.
Olmuşları, olacağı unut,
üz tut
sevgi çırağı sönmüş,
üzü dönmüş
yurd yerinә,
Var-yox umud yerinә.
Sәslәyib, sәslәyib
çiçәk balaları çıxart eşiyә.
Bir hovur
atasızlıqdan
onları ayır.
Sümüyә işlәyәn bir hava çaldır,
sәs-küyә diksinmiş binalar,
sәs-küyә açılan
pәncәrәlәr önündә
oyna qızlarınla, doyunca oyna.
Sevgisiz bir ömrün sahili
– ayrılıq qәmlәri boyunca oyna.
Ad günlәrini oyna,
oyna gәlin toylarını.
Oynaya-oynaya gözündә boy atan
çiçәk boylarını oyna.
Yazılıbsa alnına bu haqq,
özünü yorub, üzmә nahaq!

146