Page 108 - Design_Zakir_Fakhri_Poems_FULL_Layout 1

Zakir F XRİ Zakir FAKHRI

DÜNYA, QAYIT DÜNYAMIZA

Arxanca mәn su atmışam,
Sularda itib batmışam,
Mәn ki gedib qayıtmışam,
Dünya, qayıt dünyamıza.

Bu bar ayrılıq barıdı,
Gözәllәr erkәn qarıdı.
Yarıyan sәnnәn yarıdı,
Dünya, qayıt dünyamıza.

Tale bizi yarıtmadı,
Yaramızı sarıtmadı,
Nәm gözlәri qurutmadı,
Dünya, qayıt dünyamıza.

Daş da dönüb oğul olub,
Ərәnlәrin nağıl olub.
Körpәlәrә noğul doğub,
Dünya, qayıt dünyamıza.

Çәkdik hәr çәkilәn qәmi,
Bu ömür-gün boş yerәmi?
Götür Əslini, Kәrәmi,
Dünya, qayıt dünyamıza.

Torpağında ah göyәrәr,
Hәr atılan ox göyәrәr.
Dönmәsәn, günah göyәrәr,
Dünya, qayıt dünyamıza.

108