Page 70 - "Kişi, qadın və çətir"

KİŞİ, QADIN VƏ ÇƏTİR

“Alma mater”dən qovulması və Pribaltikaya
qaçması haqda,
Həm də
kimlərlə musiqi ifa edir, kimlərlə yatır;
Və qayıtması barədə.
Ölgün və cücərmiş kartof kimi
cücərirdi artıq tutqun ümidlər;
zirzəmidən küçəyə çıxırdı musiqi –
təzə-tər...

70

Sonra o evləndi – bu, bir az qəlbimə dəydi.
Kaş o göyqurşağına çalan rənglər qalaydı.
Ancaq dünya ağ-qara və boz rəngdəydi:
Qara şalvar, ağ sviter, çallaşıb-bozaran
saçlar.
O, çocuğunu çiyninə götürüb mitinqlərə
gəlirdi,
müstəqilliyin və Çernovolanın tərəfdarıydı.
Musiqi məktəbində klarnetdən dərs
deyirdi,
İki milyon qazanırdı, yumurta növbəsinə
dururdu amma.
Axırda mühacirətə getdilər –
nənəsinin yəhudi olduğunu vaxtında
yadına salmışdı arvadı.
Şagirdləri də eləcə gözdən itdilər,